|
A muller, innovadora na ciencia
Do 28 de xaneiro ao 21 de
febreiro poderemos visitar no centro a exposición
A muller, innovadora na ciencia na que se presentan as
biografías de 20 mulleres ligadas á historia das
Matemáticas, acompañadas de propostas didácticas
relacionadas coa súa investigación.
Esta exposición xorde dunha
iniciativa da Comisión de Mulleres e Matemáticas da
RSME para celebración do 2007 como Ano da Ciencia e
forma parte dun proxecto máis amplo que inclúe un ciclo de
conferencias en distintas universidades e institucións
españolas. Contou de maneira notable co apoio da
FECYT.
Ademais dos materiais expostos,
levarase a cabo un xogo de preguntas que saíran publicadas
na páxina web do instituto dende o día 13 ao 19 de febreiro.
Poderá participar todo o alumnado do centro e repartiranse
dous premios, un para a ESO e outro para bacharelato.
As bases do
concurso saíran publicadas o 30 de xaneiro e pódese
facer a inscrición por grupos de 3 ou 4 persoas a partir
dese día na conserxería do centro.
Os textos utilizados no xogo son
unha tradución ao galego do material elaborado Carmen Jalón
Ranchal (CEP Luisa Revuelta de Cordoba) e Mª Teresa
Valdecantos Dema (SIPFA, Algeciras). Agradecemos tamén a
colaboración da
Facultade de Matemáticas de Santiago de Compostela.
A
muller, innovadora na ciencia
Regras do xogo
-
A participación está aberta a
todo o alumnado do noso centro con dous niveis:
ESO e bacharelato.
-
Formaranse equipos de 3 ou 4
persoas de cada nivel.
-
Os equipos inscribiranse en
conserxería a partir do 30 de Xaneiro.
-
As preguntas publicaranse na web
do centro os días 13, 14, 15, 18 e 19 de
febreiro. Nos recreos poderase utilizar as aulas
de informática.
-
Os portavoces deberán entregar na
aula de informática 1 por escrito as respostas
razoadas das preguntas do día anterior antes do
remate do recreo.
-
Cada proba terá unha puntuación
específica e o equipo que sume máis puntos ao
final será o gañador. No caso de empate,
celebrarase un sorteo.
-
O premio consistirá nun cheque
agasallo por valor de 50 € para cada nivel.
-
Calquera incumprimento das bases
supón a descualificación do xogo.
-
A entrega do premio será o día 7
de marzo na biblioteca.
|
|
Actualización do
departamento de Orientación
O departamento de Orientación engadiu
novos contidos ao seu espazo na web. No apartado de Titorías,
creado en outubro, publicaron os documentos correspondentes
a este segundo trimestre e organizados en tres apartados:
-
Coeducación
-
Habilidades sociais
-
Valores
Ademais, abriron dúas seccións: unha
dedicada ao alumnado e outra ás familias. Na
primeira podemos atopar ligazóns de interese (Sistema
Universitario Galego, Portal educativo da consellaría…),
cuestionarios de intereses e aptitudes profesionais ou a
guía de orientación para o alumnado de bacharelato. Na
sección das familias están publicados dez documentos sobre o
desenvolvemento dos rapaces e rapazas e outras cuestións de
valor (problemas de aprendizaxe, divorcio…). Completa a
sección unha guía de libros da biblioteca do centro
dedicados a estes asuntos.
Por último, creouse unha sección
protexida para titores e titoras para a que é preciso ter un identificador e contrasinal.
|
Tomas
Palamidessi, segundo premio na XLIV Olimpíada Galega de
Matemáticas
Tomas Palamidessi, de 2º de Bacharelato, acadou o
segundo premio na fase final da
Olimpíada Galega de Matemáticas celebrada en Santiago de
Compostela o pasado sábado 19 de xaneiro.
Na primeira proba, celebrada o día anterior, tamén
participaron, xunto con máis dun centenar de alumnos e
alumnas de toda Galiza, Ángel Alonso e Juan José
Pena, de 2º de Bacharelato.
Desde o noso sitio na Arañeira queremos
darlle os parabéns e desexar a Tomás moita sorte para a fase
nacional da XLIV Olimpíada Matemática Española que terá
lugar en Valencia, do 27 ao 30 de marzo de 2008.
|
Linguas cruzadas
O
Equipo de Normalización Lingüística Balbordo e o
Departamento de Lingua Galega e Literatura do instituto
organizan o luns, 21 de xaneiro, un acto que incluirá a
proxección do documental
Linguas cruzadas, de Mónica Ares e María
Yáñez, e unha charla-coloquio coas autoras sobre a
situación da lingua na xente nova.
Haberá dous pases:
-
Ás 17:00h, para o
alumnado de 2º
de bacharelato
-
Ás 19:30h, aberta
ao público en xeral.
Perviven os
estereotipos que marcan os falantes de galego ou de
castelán? Existe conflito por causa da lingua? Que lle falta
ao galego para estar normalizado? Que futuro lle espera?
Linguas cruzadas é un documental de 50' que afonda na
cuestión sociolingüística a través da xente nova, da
primeira xeración que medrou co galego como lingua oficial.
Os protagonistas son
mozos e mozas de menos de 30 anos, que medraron estudando o
galego na escola e escoitándoo na TVG e na RG. As
experiencias e opinións desta xeración son fundamentais para
entender o estado actual da lingua e os retos para o futuro.
Linguas cruzadas recolle as opinións e reflexións de
35 persoas, centrándose nalgunhas que representan diferentes
paradigmas de falantes na mocidade actual.
|
Cursos de condución eficiente
Como
unha medida para aforrar combustíbel o
CEIDA e a
Consellaría de Medio Ambiente e Desenvolvemento Sostible,
a
Axencia Intermunicipal da Enerxía de Vigo (FAIMEVI), a
Axencia Enerxética Provincial da Coruña (FAEPAC) e o
Instituto Enerxético de Galicia (INEGA) desenvolven unha
campaña de condución eficiente. Trátase de cursos de
condución de dúas horas de duración e con profesorado experto.
Toda a
información está dispoñíbel
neste enderezo.
|
Que
pasou no instituto nos cursos pasados?
Sabes que hai tres anos estabamos en plena campaña dos
libros rulantes? Que contra xaneiro de 2005 comezaba a
ofensiva laranxa ou que Jules Verne estaba de
vacacións no noso centro? Todas as que foron novidades no
seu día están gardadas no arquivo. Consúltao e fai memoria.
|
Trinta mil artigos na
Galipedia
E algúns máis, exactamente, no momento desta
actualización, 31.090. A Galipedia é a Wikipedia
en galego. A súa construción comezou en marzo de 2003.
Galipedia forma parte dun proxecto internacional
feito por voluntarios, co propósito de facer unha
enciclopedia libre, accesible, colaborativa e de balde
en moitos idiomas. O obxectivo é a plena transmisión da
sabedoría e o coñecemento sen restricións editoriais nin
comerciais.
|
Enquisa sobre nutrición
A
ANPA As
Gaiandas solicita ás nais e pais do alumnado de 1º
de ESO que colabore na Enquisa sobre nutrición que
van pasarlle nos vindeiros días. Cada alumno e alumna
recibirá unha solicitude para autorizar a participación e
mais a enquisa.
As enquisas serán analizadas por persoal cualificado do
Complexo Hospitalario Universitario de Vigo. Despois
devolverán os resultados de cada participante xunto con
consellos precisos para seguir uns bos hábitos alimentarios.
|
Nova listaxe de
programas útiles
Estreamos o
ano 2008
coas novas versións dos programas gratuítos que
recomendamos para o mantemento da túa computadora:
|
CCleaner
Para facer limpeza nos discos da
computadora: eliminación de arquivos
temporais, historial de navegación,
arquivo index.dat...
|
|
AVG Free Edition
Un bo
antivirus, gratuíto, e con
moitas posibilidades para protexer
as nosas computadoras das infeccións
víricas do inverno.
|
|
AdAware
Eliminación de
programas espía (spyware),
publicidade...
|
|
Firefox 3.0
A nova versión do mellor navegador
que no mundo hai.
|
|
Defraggler
Un
desfragmentador
tan bo como o
JkDefragg
e mellor có de Windows.
|
|
Picasa 2
Un excelente organizador para todas
as imaxes que gardamos e temos
ciscadas en mil e unha carpetas.
|
|
|
|