|
Campo da Feira s/n. Gondomar. Tfno.: 986 360 501 Fax.:
986 360 576. ies.augadalaxe.gondomar@edu.xunta.es
|
|
>ies>arquivo>2004>decembro |
|
|
|
E chegan as vacacións
 O
mércores vintedous de decembro é o derradeiro día
con actividade lectiva de 2004. As clases non
comezarán ata o vindeiro dez de xaneiro de 2005 polo
que teremos uns cantos días para descansar ou non ;-)
Por se acaso, lembramos que o
martes vinteún de decembro é o último día para
poder retirar libros da biblioteca e aproveitarmos,
durantes as vacacións, das novidades recibidas.
Ademais, cómpre lembrarmos das dúas
representacións de Vichelocrego Teatro,
o mesmo martes ás 21:00.
Ate o ano que vén!
Biblioteca
|
|
Vichelocrego
Teatro no instituto
 Logo
de pechar o Certame de Teatro de Outono de Gondomar
Roberto Vidal Bolaño, Vichelocrego Teatro vai actuar
no instituto.
O martes vinteún de decembro
ás 21:00 horas, Vichelocrego Teatro representará
o Auto de los Reyes Magos, unha peza anónima
do século XII, considerada a primeira obra dramática
en idioma español. A continuación seguirá La representación del nacimiento de nuestro señor
escrita no século XV por Gómez Manrique (1413-1491).
Consulta
o orixinal do Auto de los Reyes Magos desde a
Bibliotheca Augustana (manuscrito e
transcrición)
Baixar
La representación del nacimiento de nuestro señor
desde a Biblioteca Virtual Miguel de Cervantes
Vichelocrego
Teatro
|
|
Representación
de Vichelocrego Teatro
A cita é o sábado 18 de decembro ás 22:30. Vichelocrego
Teatro actuará no Auditorio de Gondomar
pechando o Certame
de Teatro de Outono de Gondomar Roberto Vidal Bolaño.
Vichelocrego Teatro representará Deus (unha
comedia) de Woody Allen, unha obra coa que vén
de participar no III Festival de Teatro Afeccionado
Agustín Magán no Salón Teatro de Santiago de
Compostela.
Vichelocrego
Teatro
|
|
Convocatoria de claustro para o xoves 16
O xoves 16 de decembro, ás 17:00
horas, está convocado o claustro de profesores na que
se tratarán, entre outros asuntos, as datas da
segunda e terceira avaliación e a programación do
día 22 de decembro.
|
|
Novidades na biblioteca
A
biblioteca do centro vén de recibir dezaoito novas
obras de literatura xuvenil, española,
hispanoamericana, estranxeira e historia.
Destacamos Ventanas de
Manhattan de Antonio Muñoz Molina, La noche
del oráculo de Paul Auster e En busca del
doctor Livingstone de Henry Stanley.
Podes consultar a relación completa de novidades
desde a páxina da biblioteca.
Biblioteca
|
|
Visita á Exposición
Universal de Dinosauros do Gobi
 O
martes 14 de decembro os alumnos de 4º de
ESO visitarán a exposición que sobre o dinosauros do
Gobi trae Caixanova ao IFEVI en Vigo.
Trátase da maior exposición
itinerante sobre dinosauros do mundo e mostra fósiles
do Cretáceo recollidos no Deserto do Gobi en
Mongolia. As pezas proceden do Centro de Paleontoloxía
da Academia Mongola da Ciencia e da Fundación
Italiana Metropolitan.
Destacan o esqueleto máis pequeno de Hadrosaurus que
existe no mundo e o único embrión de Oviraptor que
se conserva, ademais de réplicas de Brachiosaurus e
Tyrannosaurus rex.
Estaba prohibido tirarlle fotos ás pezas da exposición polo que
non temos ningunha imaxe da nosa visita. Sen embargo o xornal La Voz
de Galicia ten un álbum
coas fotografías dos fósiles máis interesantes.
Máis
información
|
|
Día
da Declaración Universal dos Dereitos das Persoas
 A
liberdade, a xustiza e a paz no mundo teñen por base
o recoñecemento da dignidade intrínseca e dos
dereitos iguais e inalienables de todos os membros da
familia humana.
Así comeza o preámbulo
da Declaración Universal dos Dereitos das Persoas
que foi adoptada e proclamada pola Asemblea Xeral de
Nacións Unidas o 10 de decembro de 1948.
Nós, no noso
instituto, estamos a conmemorar tal día cunha serie
de charlas, unha exposición e a lectura pública dos
trinta artigos da Declaración Universal dos Dereitos
Humanos. Os actos comezaron o xoves nove e parte deles
vanse estender á semana do trece ao dezasete de
decembro.
Neste enderezo
de Nacións Unidas está publicada a Carta cos
trinta artigos da Declaración (e en galego)
Declaración
Universal dos Dereitos das Persoas
Galería de imaxes
|
|
Vichelocrego
Teatro no Agustín Magán
O mércores oito de decembro Vichelocrego Teatro participou no III
Festival de Teatro
Afeccionado Agustín Magán representando Deus
(unha comedia).
O certame tivo lugar no Salón Teatro de Santiago
de Compostela entre os días tres e oito de decembro de 2004.
Vichelocrego
Teatro
|
|
Constitución e acordos do Consello Escolar
O pasado 1 de decembro quedou constituído o novo
Consello Escolar do noso instituto. A continuación do acto de
constitución celebrouse unha xuntanza ordinaria. Podes consultar os
asuntos tratados premendo na seguinte ligazón:
Consello
Escolar
|
|
|