|
2009-2010 |
Visita á exposición
ornitolóxica
Esta semana os alumnos e alumnas do
Programa de Diversificación Curricular fomos visitar a
exposición ornitolóxica instalada no
Pavillón de deportes de Gondomar.
A exposición é
consecuencia do XXVI Campionato de Galicia. Na
exposición atendeunos Don Delfino Otero, criador de
paxaros, membro da organización e o dono duns gorrións de
Xava (xénero Padda) que mereceron o primeiro premio
do campionato.
As imaxes coas que fixemos un pequeno vídeo son de
Belén Sobrado Menoni que podes baixar
premendo
aquí ou na imaxe do paxariño (11MB).
|
|
|
|
2008-2009 |
Misionaprendizaje.com
Van rematando as actividades desenvolvidas polas alumnas de 4º de Diversificación curricular arredor do labor humanitario do Exército de terra. Hoxe, mércores 11, visitaron os estudos de Onda Cero onde falaron do seu traballo, refletido no blog
Misionaprendizaje.com. Tamén tiveron tempo para lembrar o
Patacablog.com, onde están recollidos os traballos de 2008 sobre a pataca e que mereceu un premio da Consellaría de Educación.
Cando teñamos un arquivo dixitalizado do programa de Onda Cero colgarémolo nesta páxina |
 | 
| 
|
Cal é o teu grupo sanguíneo? As alumnas de 4º de diversificación curricular formaron un equipo de determinación do teu grupo sanguíneo no sistema AB0. Se queres coñecer cal é o teu grupo sanguíneo contacta con elas. Son requisitos imprescindíbeis ter sangue no corpo e un dedo disposto a recibir unha picada.
|
|
|
|
2007-2008
|
Patacablog.com
Co gallo do Ano Internacional da Pataca
as alumnas e alumnos de 3º de Diversificación curricular
están deixando nun
blog todos os seus traballos sobre o
asunto. A actividade está dirixida por Chus Buitrago (Ámbito
sociolingüístico) e Marta Moro (Departamento de
orientación).
No blog podemos atopar as crónicas de
Eulalio Pataca e as actividades nas que se van traballando,
como unha sementeira de patacas, a visita á Escola Galega de
Consumo, as charlas de INTI, de Anthony e Alex e moitas
máis.
|
Exposición de
CEMMA
A
Coordinadora para o Estudo dos Mamíferos Mariños
(CEMMA) abriu unha exposición sobre cetáceos.
Paula Pérez e
José Martínez Cedeira instalaron
tres mesas con restos de cetáceos obtidos dos varamentos destes
animais nas costas galegas. Ademais, están expostos uns paneis
explicativos sobre a bioloxía dos cetáceos, os problemas
ambientais aos que se teñen que enfrontar e a actividade de
CEMMA.
Nun ordenador está dispoñíbel unha
presentación cos sons que emiten diferentes especies de
cetáceos.
|
Análise da auga do Zamáns
Nesta páxina
imos colgar toda a información recollida da auga do Zamáns.
Velaí están os primeiros resultados da súa temperatura, pH,
osíxeno disolto e cantidades de nitiritos, nitratos e fosfatos.
|
Os vixilantes do Zamáns
Á dereita os vixilantes do Zamáns despois de
hora e media de camiñada pola beira do río, un labor de
recoñecemento para comezar cun traballo de “vixilancia
científica” do río Zamáns.
 As alumnas e alumnos de 3º DC empezaron un
seguimento da auga do Zamáns, xusto ao seu paso por
diante do instituto, na “nova” Ponte de Rosa.
Na beira do río rexistrarán
a temperatura e a concentración de osíxeno na auga. Ademais
tomarán mostras para levalas aos laboratorios de Bioloxía e
Xeoloxía e determinar a presenza de nitratos, nitritos, fosfatos
e determinar o seu pH.
O obxectivo final é a redacción dun informe
sobre a auga do Zamáns nese punto.
|
Visita a Porto
O pasado 16 de outubro os
alumnos e alumnas de 3º e 4º fixeron unha visita a Porto.
Estiveron acompañados polas profesoras do ámbito
sociolingüístico, Berta Blanco e Chus Buitrago.
Deron unha volta pola
cidade, visitaron as beiras do Douro, os principais monumentos e
lugares de interese (adegas incluídas ;-)
|
