O grupo de música de
1º de bacharelato abrirá a sesión do 5º concurso de
teatro inmediato do venres 28 de marzo.
O grupo completo
está formado por vinte e un compañeiros e compañeiras e
vén de ofrecer un concerto no Auditorio do Concello de
Cangas organizado polo IES María Soliño
(12.03.08).
Con motivo
da celebración do Día Mundial do Teatro o grupo
Vichelocrego Teatro convoca o
5º Concurso de teatro inmediato.
O concurso conta
coa colaboración do instituto e a empresa de gráfica
publicitaria Obatalá. Os textos están sendo
enviados desde as 18:00 do mércores 26 de marzo por
correo electrónico. Tamén poden ser recollidos no
instituto.
As
representacións terán lugar o venres, 28 de marzo, no
instituto, a partir das 21:30. Os concursantes deberán
presentarse á organización ás 20:00.
Tal é o nome da páxina de Xoán
Carlos Pombo, profesor de
Tecnoloxía
do noso instituto, e onde podemos ver os vídeos
dos vehículos seguidores de liña negra que
fixeron os alumnos e alumnas de 3º e 4º de ESO.
Ademais, están colgadas asfotografías doutros
vehículos (máis seguidores de liñas negras e os
pegatortas).
Os aparellos están
expostos nos estantes con vidro situados á dereita da
porta do ascensor.
En
TecnoWeb, os interesados e
interesadas poden consultar as fichas de Electrónica
dixital, Mecanismos ou as datas dos exames.
Club de lectura
A
biblioteca do instituto convoca a súa próxima sesión de
Club de lectura para o mércores 16 de abril de 2008, ás
18:00h. O libro proposto é La Tierra herida, de
Miguel Delibes e Miguel Delibes de Castro.
Con esta proposta a biblioteca do IES Auga da Laxe
continúa cos actos do Ano Internacional da Terra,
apoiando as exposicións e as actividades que están
celebrándose no instituto.
La Tierra herida. ¿Qué mundo heredarán
nuestros hijos? é un diálogo
entre os dous Delibes, un cento de preguntas,
dúbidas e intercambio de coñecementos sobre o cambio
climático, a perda de biodiversidade, a escaseza de
auga, a superpoboación ou a desertificación.
Temporal de vento polo
norte
A resaca das eleccións do domingo
quitáronlle protagonismo a un
fenómeno meteorolóxico adverso, anunciado e
previsto. Non obstante, a
magnitude das ondas que asolagaron e estragaron
o paseo marítimo da Coruña foron excepcionais.
En
Youtube
podemos ver este curto vídeo (dez segundos)
dunha desas ondas xigantes, a que mancou a tres
persoas e estragou máis de setenta metros do
paseo.
En
Cabo Vilán rexistraron ondas
cunha altura superior aos 12 metros.