Xenia
Xa temos no centro
exemplares da revista
Xenia,
editada pola
Secretaría Xeral da Igualdade, no marco da
Unidade de Muller
e Ciencia.
Esta publicación, dirixida ao público
preuniversitario, ten como obxectivo principal
contribuír a
mellorar a igualdade entre homes e mulleres,
tanto no eido empresarial como no universitario,
atendendo especialmente á situación da muller no
medio científico.
A nova
publicación estrutúrase en catro apartados:
inxenia, mulleres na ciencia, na que se
inclúe un artigo de opinión; xenialidades,
vidas de ciencia, que recolle as vidas e
traballos de mulleres científicas e
investigadoras destacadas; conxenia,
carreiras máis aló do xénero, que afonda na
actualidade académica universitaria e na
división de xénero que se produce nas distintas
titulacións; e telexenia, investigadoras no
estranxeiro, espazo que recolle casos de
mulleres que desenvolven a súa actividade
investigadora fóra das nosas fronteiras.
Ademais de
actividades, coordinadas polo departamento de
Orientación, que se desenvolverán nas titorías
para reflexionar sobre como os estereotipos de
xénero inciden tanto en mozas como en mozos á
hora de elixir unha carreira universitaria ou na
opción de Formación Profesional, podedes atopar
exemplares da revista no punto de lectura e na
biblioteca.
|
Na contraportada de cada exemplar
de Xenia figura a seguinte pregunta:
Como se denomina o premio co que
cada ano a
Unidade de
Muller e Ciencia de Galicia recoñece
a traxectoria dunha científica galega?
Participa e gaña un MP4 enviando
a túa resposta a
mullereciencia@xunta.es
Premiaranse as 10 primeiras respostas correctas
recibidas. |