Novas do departamento de Música
O sábado 19 rematou unha semana de intensa actividade
no departamento de Música.
O luns 14, os cursos de Música de 3ºA, 3ºB, 4ºB-I e
4ºB-2 gravaron algúns dos seus últimos traballos na
Aula- Estudo 1.0. Arestora, René Muíños (Mix
Master) está dándolle ás gravacións os retoques
necesarios e, en breve, poderemos descargalas desde
esta páxina.
O martes 15, o grupo de 1º de Bacharelato deu un
concerto no IES Álvaro Cunqueiro de Vigo. Din os
cronistas que as atencións que o Álvaro Cunqueiro
non puido ser mellor: asistencia entusiasta ao concerto,
rosas para os músicos… Con moitas gañas de volver.
Finalmente, o sábado 19 o grupo Y frutas
disecadas (Rebeca, voz; Estela, violín; Eloy,
piano) gravou na Aula- Estudo 1.0 varias
cancións. Aos mandos gravatorios René Muiños. Tamén, en
poucos días, estarán a disposición de todo o mundo.
|
Estrea do Departamento de Inglés
O
Departamento de
Inglés acaba de estrear a súa sección no sitio web
do instituto. Comezan informando da composición do
departamento e do calendario e as instruccións para
alumnos e alumnas coa materia pendente. Nos vindeiros
días engadiran novos contidos.
Benvidos!
|
Últimas versións
de programas de mantemento
Estas son as
novas versións dos programas gratuítos que
recomendamos para o mantemento da túa computadora contra
as ameazas externas:
|
 |
Spyware Doctor
Programa premiado por moitas
publicación do sector. Detecta,
elimina e bloquea toda clase de
spyware.
|
|
 |
SpyBot Search & Destroy
Detecta e elimina cese mil
variedades de programas
spyware.
|
|
 |
CCleaner
Para facer limpeza nos discos da
computadora: eliminación de arquivos
temporais, historial de navegación,
arquivo index.dat...
|
|
 |
Windows Defender
Un programa de Microsoft que axuda a
protexer o seu equipo das fiestras
emerxentes e mais das amenazas
causadas por spyware e software non
desexado.
|
|
 |
AVG Free Edition
Un bo
antivirus, gratuíto, e con
moitas posibilidades para protexer
as nosas computadoras das infeccións
víricas do inverno.
|
|
 |
AdAware
Eliminación de
programas espía (spyware),
publicidade...
|
|
|
Patacablog.com
Co gallo do Ano Internacional da Pataca as
alumnas e alumnos de 3º de Diversificación curricular
están deixando nun
blog todos os seus traballos sobre o asunto. A
actividade está dirixida por Chus Buitrago (Ámbito
sociolingüístico) e Marta Moro (Departamento de
orientación).
No blog podemos atopar as crónicas de Eulalio Pataca
e as actividades nas que se van traballando, como unha
sementeira de patacas, a visita á Escola Galega de
Consumo, as charlas de INTI, de Anthony e Alex e moitas
máis.
|
Gaspar
Desde hai catro meses un arroaz (Tursiops truncatus)
está de visita polas costas galegas. Chámase
Gaspar e até ten un
blog
de
seu. Gaspar achegouse ao Val Miñor en
varias ocasións. A última foi o pasado
luns 7 de abril, día que elixiu para dar unha volta
por Baiona.
Se tes a oportunidade de achegarte a el ten moi en conta o
código de conduta e as recomendacións de
CEMMA. Podes
lelas aquí ou
nestoutro enderezo.
|
Claustro para o
martes 8 de abril
Para as 17:00 do martes 8 de abril
está convocado o claustro de profesores e profesoras do
centro.
Entre os asuntos a tratar destacan
a proposta de calendario de fin de curso, a
petición de aprobación da Sección Bilingüe e a
presentación de candidatura á dirección. Neste
punto, o profesor Dr. Roberto Vázquez Rozas
presentará ao claustro o seu proxecto de dirección para
os vindeiros cursos. O documento co texto completo do
proxecto pode descargalo
desde
esta ligazón.
|
IES Auga da Laxe-
Barcelona
Hoxe, mércores 2 de abril, saen para
Barcelona un grupo de dezasete alumnos e alumnas do IES
Auga da Laxe, acompañados por dous profesores e
unha nai, que estarán nesta cidade do 2 ao 6 de abril
para participar nunha serie de actividades dentro do
proxecto educativo intercultural GALAUDA. O grupo
de alumnos que viaxa a Barcelona asiste este curso ás
clases de catalán que se imparten no instituto dúas
horas á semana fóra do horario lectivo e participa desde
hai varias semanas nun intercambio a través do correo
electrónico con alumnado de dous centros de ensino
cataláns (o IES Sant Just Desvern e o IES
Vil.la Romana de La Garriga).
A visita a Barcelona inclúe
recepcións oficiais na Universidade de Barcelona e no
Ajuntament de Sant Just Desvern, visita guiada da cidade
e actividades de carácter cultural e deportivo
(Cosmocaixa, Liceu de Barcelona, asistencia a un partido
da liga europea de baloncesto, a un espectáculo teatral
e a un concerto da orquestra sinfónica de Catalunya),
visita ao Centro Galego de Barcelona e encontros de
confraternidade co alumnado dos dous institutos cataláns
cos que os alumnos gondomareños manteñen o intercambio
epistolar.
Este
intercambio terá unha segunda fase no mes de maio.
Oitenta alumnos e alumnas cataláns viaxarán a Galicia
entre o 12 e o 18 de maio, en principio para visitar a
zona sur, e aloxaranse en Panxón (Nigrán)O programa
incluirá a visita a Santiago ou ás Illas Cíes, unha
saída polos montes do Val Miñor e un encontro co
alumnado do IES Auga da Laxe.
GALAUDA é unha actividade da
Universidade de Barcelona a través dun convenio entre a
Generalitat de Catalunya e a Xunta de Galicia. O noso
centro é o único instituto galego que está a impartir
clases de catalán no presente curso académico.
|
Safari
O navegador máis usado nos MAC,
os ordenadores de Apple, é Safari. Até
agora só podía empregarse nos ordenadores da marca da
mazá. Hai uns días que Apple xa ten unha
versión definitiva para Windows XP e Windows
Vista (a versión beta estaba dispoñíbel desde xuño
de 2007).
O programa é moi rápido. Sen pretensións
de proba científica, as descargas que fixemos co
Safari deron mellores resultados có FireFox
2.0.0.12 e có Internet Explorer 7.
A versión de Safari actual é a 3.1
|
|
|
|
