|
Velaí vai a despedida
Pois si. Despedímonos até setembro lembrando
un par de cousiñas. En primeiro lugar, os
parabéns de todos aos aprobados e aprobadas
en todos os cursos e, especialmente, á boa
representación do instituto nas
selectividade. En segundo lugar, máis
parabéns para o Grupo de Biblioteca e o seu
premio da Consellería de Cultura polo
programa de actividades que desenvolveu nos
meses de abril e maio.
Tamén queremos deixar constancia de que a
gañadora do xogo de busca
Etapa a etapa foi Marta Antón de
4º de ESO. Polo demais, deixamos unha “copia
de peto” do vídeo resumo das actividades
de 2006-2007, presentado na noitiña do 22 de
xuño (Ollo, malia que é pequeno ocupa 17MB.
Ábrese con Windows Media).
Por último non esquezades que o hoxe
venres 29 de xuño, contra as 21:00,
a sección de alumnos e alumnas de
Vichelocrego Teatro representará
A pousadeira no salón de actos do
instituto. |
Até setembro!
|
Concertos de fin de curso
Unha incidencia non deixou actualizar o noso
sitio desde a semana pasada. O corte tamén afectou ao acceso a estas páxinas
tanto o luns como o martes. Malia todos
estes atrancos, as descargas do
concerto íntegro do Café Rañolas xa case
alcanza as catro ducias :-)
Volvemos agora que podemos para anunciar os
concertos de fin de curso: -
Mércores 20: 3ºB e 4º de ESO
-
Xoves 21: Grupo de ex alumnos do centro
-
Venres 22: Grupo de 1º de bacharelato.
Todos os concertos ás 12:30, no patio
interior do centro.
|
Seguimos de viaxe
Continúa no patio central a exposición de
libros da biblioteca sobre viaxes, pero o
venres 15 de xuño, remata o xogo de busca
Etapa a etapa, catro itinerarios para
dar coas respostas correctas a catro
preguntas que constitúen as distintas
etapas. Toda a información sobre o
concurso está en
Bibliolaxe. Lembra, tes de tempo até ás 12:30 do venres 15. Entre os
participantes que opten por realizar unha
das catro viaxes sortearase un cheque de 20
euros para gastar nalgunha librería de
Gondomar. Ademais, haberá un premio
especial: entre todos os que decidan
realizar as catro viaxes respondendo
correctamente as 16 preguntas do xogo
sortearemos un cheque de 50 euros para
gastar tamén nalgunha librería da vila.
|
Na sección de descargas do Departamento de
Música está colgada a
gravación íntegra do concerto no Café
Rañolas do pasado oito de xuño.
Os intérpretes son o grupo de 2º de
bacharelato. Se
cadra tes que ter un pouco de paciencia
porque o MP3 no que está gravado pesa algo
menos de 43MB.
|
Nova materia para o curso 2007-2008
 A nova lei de educación vén cunhas cantas novidades.
Unha delas é unha materia chamada Taller de
iniciativas emprendedoras.
O departamento encargado de impartila é o de
Economía. Para dar a coñecer o que vai ser
esta nova materia colgaron un
interesante tríptico en formato PDF.
|
Concertos do venres
Por “problemas informáticos” foi imposíbel
dar
aviso do concerto do pasado venres no Café
Rañolas.
Os intérpretes foron alumnos e ex alumnos do
instituto. Si chegamos a tempo de avisar que
volverán a tocar o xoves 21 de xuño, contra
as 12:30, esta vez no instituto. Tamén o pasado venres oito, o grupo de 2º de
bacharelato deu o seu único concerto do ano
no instituto. Ao día seguinte, o sábado nove,
o mesmo grupo deu un concerto dentro da
entrega de premios Conde de Gondomar, no
auditorio Luís Tobío.
|
Unha boa ferramenta para as clases ou para
pasar o tempo
 É
World Wind, un
programa que mostra a Terra desde o espazo
exterior. Partindo dun punto da atmosfera
cunha ferramenta zoom podemos achegarnos a
calquera localidade coma se viaxásemos nunha
nave espacial. O programa é de balde, da
NASA e ten varias opcións (ver sobre
o terreo os mapas políticos, nomes de
países, fronteiras, bandeiras,
localizador...). Por se fose pouco, tamén
mostra os accidentes xeográficos da Lúa,
Xúpiter, Marte e Venus. O
enderezo para descargalo é este, é unha
aplicación de balde, a instalación final
precisa 16 MB do disco duro e está en
inglés.
|
Día do Medio ambiente
O cinco de xuño e o Día do Medio ambiente.
Para celebralo, que tal se plantas unha
árbore? No laboratorio de Xeoloxía están a túa
disposición carballos, castiñeiras e
camelias do viveiro no que traballaron os
compañeiros de
4º de Diversificación curricular.
Achégate por alí e lévate unha arboriña.
|
| |
|
