 Biblioteca
Na sección da biblioteca
podedes atopar unha relación das novidades
que recibimos nestas últimas semanas. Están agora mesmo
nun expositor á entrada da biblioteca para que lles
poidades botar unha ollada con máis facilidade, pero nos
próximos días pasarán a ocupar o seu lugar nos andeis e
estarán xa ao voso dispor para préstamo.
|
Dúas
linguas estranxeiras para o vindeiro curso
Os
alumnos e alumnas de primeiro e segundo de ESO estudarán
e practicarán dúas
linguas estranxeiras a partir do curso 2007-2008.
Actualmente, o noventa e cinco por cento dos alumnos
galegos elixen francés como segunda lingua estranxeira. O
cinco por cento restante escollen inglés ou, se é posíbel,
portugués ou alemán.
Por
outra parte, a Consellaría de Educación vén de publicar
o número
catro do Boletín informativo.
Ademais, aquí
temos gardada unha copia do DOGA coa convocatoria dos
Fondos Sociais de 2006.
|
Os
novos ordenadores
Hai un par de semanas que chegaron
trece novos ordenadores de sobremesa, enviados pola
Consellaría de Educación. Desde a súa chegada o
profesor José Antonio López púxose mans á obra
para substituír os vellos equipos da aula de informática.
E non estivo só pois contou coa axuda de Jónathan
Pérez Estévez e, ademais, de Santiago
Alonso Costa, Iván Alonso Costas, Hadrían
Bolado Mínguez, Oscar De Saa Leyenda, Joao
Paulo Matos Gouvela Bacalhau e Brais Regueiro do
Espíritusanto de 2º de ESO e David González
Martínez, Jesús Laso Villar, Santiago López
Rodriguez, Manuel Martínez Argeitos, José
Martinho Pereira Salgado, Leticia Rodríguez
Carballal, Juan Sanromán Quintas, Alberto
Suárez Ferreira e Nestor Veiga Amorín de 4º
de ESO. Todo un equipo de informáticos.
|
O
tempo para a fin de semana
 A
vaga de frío parece retirarse e a semana próxima comezará
cun ambiente un pouco máis quente. Antes teremos que
pasar uns cantos días máis de frío.
O Instituto
Nacional de Meteoroloxía ten un servizo
de predición por localidades. Na relación está
Gondomar e a imaxe da esquerda correspóndese co prognóstico
para os vindeiros días (preme encol da imaxe para poder
ler o texto). En MeteoGalicia podemos consultar a predición
para Vigo, como localidade con prognóstico máis próxima
a Gondomar.
|
Consello
Escolar
Para
hoxe, xoves 25 de xaneiro, está convocado o Consello
Escolar do instituto. A xuntanza será a partir das 20:00
e trataranse entre outros os seguinte asuntos: informe
económico de 2006, informe económico da biblioteca,
aprobación de novas actividades extraescolares
e información sobre as PAAU.
Por
outra parte, no sitio da Consellaría de Educación está
colgado un documento- enquisa sobre a participación
nos consellos escolares dos centros. Esté
é o enderezo para baixalo. Para envialo xúnteo nunha
mensaxe electrónica a este enderezo:
conselloescolar@edu.xunta.es
|
Olimpíada Matemática
 O
departamento
de Matemáticas volveu participar na Olimpíada
Matemática Galega.
A XLIII edición de Olimpíada celebrouse os días
19 e 20 deste xaneiro en Santiago de Compostela. Pola nosa
parte, contou
coa participación de Carlos Peón, Tomás
Palamidessi e Juan José Pena, alumnos de 1º
de bacharelato e a alumna de 2º de bacharelato, Ángela
Piñeiro.
Parabéns a Carlos, Juan José e Ángela que foron
seleccionados na primeira proba, entre 150 alumnos e
alumnas de toda Galicia.
|
Formulación
Química
Carlos
Alonso, profesor de Química no IES Ricardo Mella de Vigo,
vén de colgar na Rede esta páxina
sobre Formulación química na que presenta
os distintos tipos de substancias e como se formulan
segundo a normativa da IUPAC.
Formulación
química
conta con exercicios test autoavaliativos
onde poñer a proba o que vas aprendendo, ademais de
modelos tridimensionais de compostos orgánicos, unha táboa
periódica actualizada, etc.
|
Actualizacións das
seccións
Os departamentos didácticos
seguen engadindo ou renovando os contidos das súas seccións.
O departamento
de Lingua e Literatura española vén de engadir o
texto legal que fai referencia á perda
do dereito á avaliación continua. O departamento
de Música renovou o deseño do seu sitio e engadiu as
liñas xerais das actividades do presente curso. O departamento
de Bioloxía e Xeoloxía conta como vai ser a organización
da súa participación no programa
Ambientum da Deputación de Pontevedra.
|
Linguas
internacionais
 Pode
que non falemos o noruegués con fluidez pero para
entender o que esta páxina ten que dicir non fai falta
máis. Trátase do sitio da Asociación
Ornitolóxica Noruega que publica unha relación
de 338 aves de Europa e os seus cantos, gardados en
arquivos MP3. Por exemplo, preme aquí
para oír o canto dun paporrubio (Erithacus
rubecula) ou aquí
para oír o dun xílgaro (Carduelis carduelis).
|
O
Ano do Planeta Terra
 O
presente 2007 é o Ano
Internacional Polar, un plan de investigación e
observación internacional das rexións polares. Ademais,
é o Ano Internacional da
Heliofísica e o Ano
Xeofísico Electrónico. Trátase dun esforzo científico
internacional para mellorar o noso coñecemento sobre o
planeta e o sistema solar e unha preparación para o Ano
do Planeta Terra de 2008, cuxas actividades
desenvolveranse durante o trienio 2007-2009.
Podes atopar máis información
premendo nas ligazóns sinaladas no texto e neste artigo
de Galicia
Hoxe.
|
O noso amigo Gordon
Comezamos o curso coa chegada do furacán
Gordon e a suspensión do primeiro día de
clase. Se queremos saber algo máis daquel furacán, o
Instituto Nacional de Meteoroloxía vén de publicar un documento
coas características deste fenómeno meteorolóxico que,
de cando en vez, visita o país.
|
Polo
Monte
 Catro
consellarías, a de Educación entre elas, convocan o
proxecto de innovación educativa Polo
Monte. O proxecto “propón a realización de
traballos de investigaciónpara caracterizar e coñecer
o territorio dende distintas perspectivas”. A inscrición
estará aberta desde o 20 de xaneiro até o 20 de febreiro.
Ademais, está convocada
unha Campaña
de seguridade para o fomento nos centros de ensino de
medidas de autoprotección fronte aos incendios, unhas xornadas
sobre O monte e o desenvolvemento sostíbel e a Semana
forestal, sete días de marzo dedicados aos bosques e
ao seu valor.
|
O que contan as películas
da Disney
Vieiros
da Escola vén de publicar un novo número, o
correspondente a este mes de xaneiro. É unha análise das
películas da Disney
que deixa ao descuberto toda clase de estereotipos
discriminatorios.
O traballo é de Patricia
Digón Regueiro, profesora na Facultade de Ciencias da
Educación da Universidade da Coruña. A edición de Nova
Escola Galega.
|
Novidades do
departamento de Tecnoloxía
O departamento de Tecnoloxía engadiu novos contidos na súa
sección: unha galería
de imaxes dos proxectos do primeiro trimestre de 3º
de ESO, un curto vídeo
dun dos proxectos e un documento
pdf describindo os proxectos e actividades.
Pasen e vexan aos inventores, inventorase os seus
trebellos.
|
Boletín
informativo da Consellería de Educación
A
Dirección Xeral de Ordenación e Innovación Educativa
publicou o primeiro número do Boletín
informativo. Trátase
dunha edición electrónica que está a disposición de
calquera que teña unha conta de correo da Consellería de
Educación.
No
primeiro número fálase dos premios de innovación
educativa, dos de innovación lingüística en lingua
galega e transversalidade, ademais do anuncio da publicación
no BOE do decreto de mínimos para a educación secundaria
e outros asuntos.
O boletín terá unha
periodicidade semanal. As vindeiras entregas En sucesivas
entregas atoparémolas no portal
educativo, na sección de profesorado, no apartado de
publicacións. Nese enderezo tamén podemos ler este
primeiro boletín.
|
 Dar unha volta por
Castrelos
O Parque de Castrelos de Vigo é un
lugar ben fermoso para dar unha volta en calquera época
do ano. Se cadra desprazarmos até o parque é complicado
en tempo de clases. Tranquilidade! ante todo,moita calma: hai
unha alternativa. Un grupo de profesores doutros
institutos fixo un impresionante traballo, Paseo por un parque virtual, un
“percorrido ecolóxico e literario pola natureza
urbana”. Os autores son a profesora Manon Funes Hurlé e
os profesores José A. Garabatos Cuadrado e Jorge Pedrosa
Rúa.
Paseo
por un parque virtual está considerado no top 100
dos Awards
elearning of Europe 2006 e gañou o primeiro premios
CNICE do Ministerio de Educación español.
|
 A
triloxía de Matrix
Gústache a triloxía de Matrix? E a Filosofía?
Ben, pois aquí tes unha
páxina que une unha cousa e a outra, tratando o
"problema do real" e mais o "da liberdade"
aproveitando as tres películas de Matrix.
A páxina
é froito dun proxecto do Centro de Filosofía para Niños
do Principado de Asturias e tamén do libro
gañador do Premio Aula de 2006 ao mellor libro de
educación e divulgación educativa, financiado pola Obra
Social de Caja Madrid.
|
Antigos alumnos
Rafael Comesaña, alumno que
foido noso centro, obtivo en 2006 o Premio do
Colexio Oficial de Enxeñeiros Industriais de Galicia
ao mellor proxecto de fin de carreira. Agora traballa no
grupo de Metroloxía Óptica, pertencente ao Departamento
de Física Aplicada da Universidade de Vigo.
No DUVI,
o xornal electrónico da Universidade de Vigo, Rafael
xunto a José Luis Fernández, director do departamento,
presentan un novo sistema para estudar os defectos nas
pontes. Trátase dun sistema óptico de medida baseado
na telemetría por varrido dun feixe láser.
|
 Para
comezar ben, dúas boas novas
Comezamos
2007 con dúas moi boas noticias. Dous equipos de
profesores do instituto obtiveron dous dos premios á
innovación educativa sobre temas transversais da
Consellería de Educación.
 O
equipo coordinado por Susana Paz Díaz obtivo o
premio no apartado Educación para a igualdade en ambos
sexos polo seu traballo Habelas hainas. Mulleres na
Ciencia. O equipo coordinado por Manuel Ulloa Díaz
obtivo o premio no apartado Educación para o consumo
polo traballo Proxecto Laranxa, que contou coa
especial participación de toda a comunidade escolar.
DOGA
|
|
