Día Internacional da Tradución O 29 de setembro celebrouse o Día Internacional da Tradución e, para celebralo, a biblioteca vai propoñer até o 11 de outubro unha serie de textos e actividades (poemas, exposición de libros, concurso de tradución, etc.) co obxectivo de convidarvos a reflexionar sobre as dificultades desta actividade fundamental para a comunicación e a transmisión do coñecemento. Nos andeis da
biblioteca podedes achegarvos a moitas obras en galego ou castelán grazas ao traballo dos tradutores e tradutoras. Fixádevos na importancia do seu traballo e aprendede a valoralo. Traducir é un reto interesante... Se queredes comprobalo, podedes participar no concurso de tradución que vos propoñemos. Toda a información na
sección da Biblioteca e en
Bibliolaxe
|
Boletín informativo O Boletín informativo que publica a Consellaría de Educación e que podemos atopar nas nosas caixas de correo,
premendo neste enlace ou baixándoo
directamente desde aquí, vén cunha sección de moito interese para todos pero, en especial, para os profesores e profesoras. Ten unha escolma de ligazóns á lexislación educativa, métodos didácticos, metodoloxía, competencias, proxecto lector, proxecto lingüístico...
|
Xogos O
Portal educativo da Consellaría de Educación ten colgados
catros xogos para utilizalos en liña. Trátase de O aforcado de San Xoán no que é preciso adiviñar unha palabra agochada antes para evitar a queima dun meco;
quebracabezas, listos para facer anacos os nosos ben conservados cerebros; un
xogo de desactivar bombas baseado no vello (vellísimo) pimpón de dúas barras e un cadrado; e finalmente o coñecido
Preguntoiro con máis preguntas, moi bo para poñermos a proba. u
Xogos
|
 Ideas na Arañeira En
Valminor.info, o portal do Val Miñor —que por certo, está de estrea—, atopamos este invento para montar unha
sinxela rede na casa. Ademais, podemos ler un informe sobre o proxecto de
parque eólico na Serra da Groba e a toda a actualidade dos tres concellos do Val. u
Valminor.info
|
Recomendacións e avisos
A
Secretaría Xeral de Política Lingüística fai unha serie de recomendacións respecto ao material que precisamos para o comezo do curso. Ademais, elaborou unha
axenda- calendario por meses, un
calendario cos días festivos e vacacións sinalados e un
modelo para apuntar o horario.
O Diario da escola recolle dous traballos feitos polos compañeiros e compañeiras de Ciencias Naturais dirixidos polo profesor Manuel Ulloa. Trátase de
O balor ...no pan e
Como se desenvolve o balor nos alimentos.
Podes acceder aos dous traballos premendo encol dos seus títulos ou entrando na sección do
departamento de Bioloxía e Xeoloxía. Esta edición do
Diario da escola recolle máis de cento sesenta traballos feitos por alumnos e profesores de centro de ensino de toda Galicia.
A
Consellaría de Educación avisa a todos os profesores e profesoras que revisen e, se é o caso, modifiquen os seus datos persoais. Ás fichas cos datos accédese desde
esta páxina.
|
Preparados? E logo? O mércores 19 comezamos co choio coa presentación para 1º de ESO, 4º de ESO e bacharelato. Este curso a presentación inclúe unha “visita guiada” polo centro xa que será o primeiro curso no que funcionaremos co “sistema aula-materia”. O xoves 20 é a quenda de 2º de ESO e 3º de ESO. E o venres? Pois todo o mundo ás 9:30 na súa aula ;-) Se buscándoa vas perder o rumbo polos corredores do instituto é mellor que consultes estes planos: u
Primeiro andar
u
Segundo andar
|
Música no verán Y frutas disecadas é o nome do grupo de ex compañeiros e compañeiras de bacharelato que aproveitaron o verán para ensaiar e dar un concerto no pazo de Mañufe. Foi o pasado dezasete de agosto. Despois do concerto foron recompensados cunha cea no mesmo pazo. u
Departamento de Música.
|
Novos documentos Nos últimos días gardamos os seguintes documentos de interese para o curso que comeza:
|
Calendario de setembro É o primeiro día laborábel de setembro e xa estamos de volta no choio. Queda colgado o calendario de exames de setembro, así como o das datas de avaliación, reclamacións... Boa volta ao traballo ;-) u
Calendario de setembro
|
| |
