Unha estrea e unha renovación
A estrea é a da sección do
departamento de Relixión, con información das
actividades do departamento, as que xa están en marcha e nas
que se está traballando.
A renovación corresponde ao departamento de Lingua e
Literatura galega.
|
Renovada a sección dos Programas de
Garantía Social
Xa está posta ao día a sección dos Programas de Garantía
Social que se imparten no centro.
Neste enderezo podes atopar unha completa información do
que son, os requisitos para entrar neles, as modalidades que
ten o noso centro, as empresas colaboradoras, o profesorado,
etc.
|
Día Internacional das Bibliotecas
Escolares
Con motivo da celebración do Día
Internacional da Biblioteca Escolar, o Equipo de
Biblioteca do IES Auga da Laxe quere convidar a todo
o profesorado e alumnado do centro a visitar as instalacións
da biblioteca, recentemente renovadas.
Con este motivo, na semana do 22 ao 26 de
outubro, van ir todos os grupos de alumnos a facer unha
visita guiada á biblioteca para coñecer as instalacións e
recibir información sobre a organización dos fondos e as
actividades e o funcionamento dos distintos servizos que se
ofrecen. A proposta do calendario de visitas
preséntase
na sección de biblioteca.
|
Textos para as titorías
O
departamento de Orientación abriu unha
nova sección con
todo o material necesario para as titorías
de ESO. Trátase de arquivos PDF
organizados en catro apartados: -
arquivos de interese común para todas as
titorías
- dinámicas de grupo
-
técnicas de estudo
- materiais
propios para cada curso.
A
causa dunha incidencia no conversor dos
arquivos orixinais ao formato PDF, a
paxinación dos documenntos está invertida,
de tal maneira que a primeira páxina que se
presenta ao abrir o arquivo é a última do
orixinal. Lembra que para ler os
arquivos PDF é preciso ter instalado
na túa computadora un lector axeitado. Podes
baixar o lector
Adobe Reader desde esta ligazón,
elixindo o máis axeitado para o sistema
operativo do teu ordenador.
|
Actualizacións
Despois dos axustes de principio de curso,
os departamentos seguen renovando e
actualizando os seus contidos. Nesta ocasión
referímonos aos de
Lingua e Literatura española e
Matemáticas que puxeron ao día as
actividades para os alumnos con materias
pendentes deses departamentos, ademais
doutros contidos de interese.
|
Seguindo aos osos polares
De cumprirse os prognósticos actuais sobre a desaparición do
xeo polar ártico mal pintan as cousas para os osos polares.
De feito, son uns dos grandes mamíferos máis ameazados de
extinción do planeta e o obxecto de múltiples investigacións
científicas.
Desde este enderezo podemos seguir un
destes proxecto de pescuda. Trátase do
seguimento por satélite de varios osos
polares en dúas zonas árticas. Na páxina
podemos atopar unha ampla información sobre
este gran mamífero.
|
E
máis actualizacións
Nesta ocasión do
departamento de Tecnoloxía, coas
materias das que se fai cargo, os
compoñentes do departamento e unha ligazón á
páxina persoal de Xoán Carlos Pombo
sobre o ensinanza da Tecnoloxía.
|
Actualizacións nos departamentos
A modo imos actualizando a información dos
departamentos didácticos do instituto. O de
Bioloxía e Xeoloxía xa colgou as novas
programacións para este curso das materias
que imparte, ademais de materiais de
interese para as
materias de Bioloxía e Xeoloxía de 4º de ESO,
Bioloxía de 2º de bacharelato e
Ciencias da Terra de 2º de bacharelato.
Están ao día as novas composicións dos
departamentos de
Debuxo e Educación Plástica,
Lingua e Literatura Española,
Orientación e
Xeografía e Historia.
|
Ferramentas para o mantemento das nosas
computadoras
Velaquí queda unha listaxe de ferramentas
que podemos instalar nas nosas computadoras
para mantelas en boa forma. Todos os
programas son de balde e teñen versións de
pago con máis opcións. Moitos deles teñen
versión en galego. -
AdAware: analiza a nosa computadora
á busca de arquivos espía (spyware).
Cómpre actualizalo cada certo tempo. As
actualizacións tamén son gratuítas.
-
CCleaner: elimina arquivos
temporais, arquivos lixo das
instalacións, listaxes de ficheiros da
papeleira, as pegadas do noso paso pola
rede que quedan no ordenador. Tamén
inclúe un limpador de entradas non
válidas do Rexistro de Windows.
-
AVG: un moi antivirus, de balde e
que funciona igual que calquera outro de
pago. Pode pararse a análise no momento
que queiramos (algo que non é posíbel
noutros antivirus) e, tamén, escoller as
carpetas para a análise.
-
JkDefrag: é un desfragmentador, un
programa que serve para poñer orde no
disco duro. O programa busca o mellor
lugar para colocar calquera anaquiño de
datos perdido polo disco duro da
computadora.
|
Acordos do Consello Escolar
O pasado martes 2 de outubro celebrouse a
primeira xuntanza do curso do Consello
Escolar. Entre outros asuntos aprobáronse -
as actividades extraescolares cunha
duración menor a unha xornada
- os
días non lectivos propios do centro: 7
de decembro de 2007 e 6 de febreiro de
2008
- a suba de prezo dalgúns
artigos da cafetería
Así
mesmo, os representantes dos pais e nais
presentaron unha subvención dun cincuenta
por cento no custe dos zumes de laranxa dos
alumnos e alumnas do centro. Pola súa
parte, a directora e mais o xefe de estudos
presentaron os resultados finais do curso
2006-2007 e a organización e características
do actual. Tamén aprobouse o convenio
co Concello de Gondomar para o emprego do
ximnasio do centro polas Escolas Deportivas
Municipais, o acordo co grupo Esencia Latina
e cun grupo de Tai- Chi para utilizar a
mesma instalación. Finalmente, D. José
Antonio Martínez, representante dos pais e
nais, despediuse do Consello Escolar. A
directora agradeceulle toda a súa
colaboración, en especial, polo asesoramento
no deseño do Plan de Autoprotección do
centro.
|
A biblioteca en rede A
biblioteca do instituto xa forma parte da
Rede de Bibliotecas de Galicia (RBG).
Desde calquera ordenador é posíbel consultar
todo tipo de información sobre a nosa
biblioteca, así como doutra calquera
biblioteca pertencente á RBG. Este é
o
enderezo para entrar na biblioteca do
instituto.
|
|