|
Parón
na actualización da páxina
Estes
días o servidor da consellaría está demasiado
ocupado e impídenos a actualización regular do noso
sitio na Rede. Ademais, os servizos informáticos da
consellaría avisan dun corte que comezará mañá
venres, un parón na actividade que aproveitarán para
mellorar e optimizar o rendemento da súa rede.
Daquela,
despedímonos até que todo estea arranxado.
|
Despedida do
Club de lectura
Coa visita de
Paula Carballeira rematou a actividade neste curso do
Club de Lectura. O Libro
do mes foi Smara
e Paula
Carballeira falou del, do pobo saharauí e das
historias que aprendeu nos campamentos de refuxiados
de Tinduf.
Na mesma sesión
proxectouse Lalia, a curtametraxe de Silvia
Munt, que axudou a situarse no espazo en que se
suceden as historias de Smara.
Toda a información sobre esta sesión
do Club de Lectura está en Bibliolaxe.
|
Concerto
de 2º de bacharelato
Este venres
tócalles aos de 2º de bacharelato. O concerto
destes compañeiros e comapñeiras será no Café
Rañolas, contra ás 22:30, e a entrada é
de balde. O día: venres 1 de xuño.
Na sección do Departamento
de Música hai unha relación con todas as
asctuacións das clases de Música, así como as
gravacións en MP3 de moitos dos seus temas.
|
Selectividade
Parabéns a todos os compañeiros e compañeiras
que aprobaron o bacharelato. Agora comeza a
preparación dos exames de selectividade dos que neste
sitio podedes atopar toda a información
necesaria. Pola parte dos profesores e profesoras do
instituto contades con todo o apoio que precisedes.
Como mostra, velaquí quedan os exames
de selectividade de Bioloxía da convocatoria de 2006,
incluídos os criterios de avaliación e corrección.
Na sección do departamento tamén están colgados os exames
das convocatorias pasadas.
|
 Concerto
de 1º de bacharelato
Despois de participar no Club de
Lectura (18:00) este venres podemos asistir ao concerto
dos compañeiros de 1º de bacharelato. Será no Café
Rañolas, contra ás 22:30, e a entrada é
de balde. Lembra, as dúas actividades este venres
25 de maio.
|
Nova sesión do
Club de lectura este próximo venres
A biblioteca do instituto vai
celebrar o próximo venres, 25 de maio, ás
18:00h,
unha sesión do seu club de lectura sobre a novela Smara,
de Paula
Carballeira, protagonizada por un neno que viaxa
ao campamento de refuxiados saharauís de Smara, onde
escoitará da avoa Ugago historias marabillosas que
falan do deserto e das lendas e tradicións do seu
pobo, os fillos da nube. A sesión, que contará coa
presenza da autora, comezará co visionado da
curtametraxe Lalia, de Silvia
Munt, que fai un achegamento ao conflito saharauí
a través dos ollos dunha nena.
O Club de lectura Auga da
Laxe, que naceu o ano pasado e leva xa cinco
convocatorias, ten como obxectivo favorecer a lectura
reflexiva e a conversa arredor das obras propostas.
Convidámosvos a achegarvos o venres ao instituto para
participar nesta sesión ou a deixar a vosa opinión
sobre a novela no club
de lectura virtual do blog da biblioteca.
|
As
cartas de Darwin
Durante
a súa vida, Charles
Darwin mantivo correspondencia con máis de dúas
mil persoas. Por suposto, os seus correspondentes eran
persoas de toda condición, naturalistas, políticos,
pensadores, homes e mulleres... O conxunto das cartas
de Darwin dan unha clara idea do desenvolvemento da súa
idea da Evolución, ademais de compoñer unha cadro da
sociedade inglesa do século XIX.
Toda
a correspondencia de Charles Darwin está
colgada neste enderezo. Para os interesados nas
ciencia son especialmente curiosas as cartas
cruzadas co xeólogo Charles Lyell ou co
naturalista Alfred
Rusel Wallace.
|
María Mariño
visita a nosa biblioteca
A biblioteca do instituto vaise
converter os días 15 e 16 de maio no salón da casa
de María
Mariño para acoller cinco representacións do monólogo
María Mariño, en primeira persoa, protagonizado por Rocío
Rodríguez Salgueiro, quen se transformará na
poeta á que este ano se lle dedica o Día
das Letras Galegas. O monólogo, que fai un
percorrido polos feitos máis destacados da vida e da
obra de María Mariño, irá acompañado da lectura de
varios poemas da autora. As representacións terán
lugar na biblioteca
co seguinte horario:
Martes, 15
-
11,10h-12,00h: 1º BACH-A e 1º
BACH-B
-
12,30h-13,20h: 4º ESO-A, 4º
ESO-B e 1º ESO-A
-
13,20h-14,10h: 2º ESO-A e 2º
ESO-B
Mércores, 16
|
Concertos
de bacharelato
Os
compañeiros e compañeiras de bacharelato seguen coa
xira de concertos. O último —o pasado xoves dez—,
os de 1º foron ao colexio
de Covaterreña, Baiona. O próximo será no IES de
Moaña, o vindeiro día vintecatro, e os concertistas
os de 2º de bacharelato.
|
Abril
e maio, letras para todo o ano
Estes días pódense atopar nalgúns
establecementos comerciais de Gondomar os materiais da
campaña Abril e maio, letras para todo o ano,
promovida pola biblioteca
do instituto. Son uns expositores cunhas tarxetas
dirixidas a todos os veciños e veciñas nas que os
convidamos a ler un poema, ao tempo que reflexionamos
sobre a importancia de que, máis alá do Día do
Libro ou do Día das Letras Galegas, o hábito da
lectura nos acompañe ao longo de todo o ano.
Os poemas que se ofrecen como un
convite nas tarxetas pertencen a Olga
Novo, Daniel
Salgado, Antonio
García Teijeiro, Lupe
Gómez e María
Mariño, autora á que se lle dedica este ano o Día
das Letras Galegas. O texto que acompaña os poemas é
o seguinte: "Nestes meses a primavera chega tamén
á literatura. Arredor do Día do Libro e do Día das
Letras Galegas chégannos numerosas propostas de
lecturas e novidades editoriais, un agromar de letras
que desde a Biblioteca do IES Auga da Laxe
esperamos que dure todo o ano, para que calquera día
sexa bo para achegarse a un libro. Por iso vos
convidamos a ler unha selección de poemas cos que
queremos desexarvos feliz primavera e boas
lecturas."
|
Natureza no
instituto
Rematou
a exposición de paneis da bolboreta
monarca e os libros sobre bolboretas volveron á
biblioteca.
Para
as arboriñas do viveiro de 4º de Diversificación
curricular chegou o tempo de ir á busca de
acomodo.
Dentro da Operación
Carballo, as landras e sementes doutras árbores
plantadas no outono pasado transformáronse en máis de cincuenta
carballizas, dez castiñeiras, dezasete plantóns de
camelia e cinco nogueiras.
Se
alguén está interesado en levar para á casa algunha
destas arboriñas debe falar co seu coidador ou
coidadora (os nomes están apuntados nos envases). As
que queden serán plantadas no instituto e nun terreo
disposto pola Comunidade de montes de Gondomar.
|
E
os gañadores foron...
Coas
vacacións, a volta ao choio e a ponte polo medio,
case esquecemos deixar constancia do resultado do
Cuarto concurso de Teatro Inmediato celebrado o 23 de
marzo. O certame foi convocado por Vichelocrego
Teatro e os gañadores foron Carolina Guisande
Piay e Hugo Rodríguez Castro.
No
sitio na Arañeira de Vichelocrego Teatro podes
ver imaxes de todos os participantes
|
Lingu@
de amor
Balbordo, o equipo
de normalización lingüística do instituto, avisa da
convocatoria do concurso Lingu@
de amor. Trátase dun concurso de mensaxes na
Rede, declaracións de amor, no que poden participar
todos os mozos e mozas entre 14 e 30 anos. As mensaxes
non poderán exceder os 350 caracteres, incluídos os
espazos.
As bases, premios e
condicións están dispoñíbeis no sitio do Consello
da Xuventude de Galicia.
|
Actualización
dos departamentos
O
departamento
de Bioloxía e Xeoloxía abriu unha sección
dedicada a recoller documentos
relacionados co Cambio climático, en especial, os
publicados polo IPCC, o grupo de expertos da ONU.
Ademais, colgaron tres artigos fundamentais da historia
da Bioloxía: o de Alexander Fleming de 1922 no
que anunciaba o descubrimento da lisozima e os dous de Watson
e Crick de 1953 co descubrimento da estrutura do
ADN. Por último, engadiron outros documentos de
interese, por exemplo, o manual da Interpol para
a análise do ADN ou a entrevista publicada no xornal El
País a Jeremy Jackson, o maior experto
actual no estudo dos océanos.
|
|
|
