|
Vacacións!
Vacacións si, pero antes temos unha xornada chea de actividades para despedir ben o ano.
E para o Nadal, para lembrarlles aos Reis Magos que os libros tamén existen, na sección da
Biblioteca queda unha listaxe coas recomendacións de varios departamentos.
Boas vacacións!
|
 Proxecto Laranxa
Imos rematar ben o ano a base de zume de laranxa. E máis barato, grazas a que a
ANPA As Gaiandas subvenciona os zumes de laranxa, para que cada un só custe 0,50€ (cincuenta céntimos ou medio euro ;-)
Cada alumno ou alumna poderá mercar bonos de 5 zumes ou de 10 zumes. Cando consuma os cinco ou os dez zumes participará no sorteo de tres premios. Para facelo deberá poñer o seu nome e curso na parte de atrás do bono e depositalo no buzón disposto na cafetería.
|
Novo sitio da ANPA
As Gaiandas
A ANPA As Gaiandas vén de estrear novo deseño e
novo enderezo do seu sitio na Arañeira. Na páxina da ANPA podemos atopar información sobre os novos proxectos (por exemplo, o
Banco de libros para bacharelato) ou a composición da súa directiva e a maneira de poñermos en contacto cos seus membros. Ademais, esta nova versión inclúe un blog, unha utilidade de interese para fomentar a participación na asociación.
|
Cambios no Top Baixadas
Radio video sube até a segunda posición á caza do todopoderoso Íntegro Rañolas que ao comezo da segunda quincena de decembro chegaba ás 135 descargas. Así mesmo, La Bolsa pasa do quinto ao cuarto lugar.
|
Cambio climático en Galicia
O
SIAM (Sistema de Información Ambiental de Galicia) abriu unha nova sección sobre as investigacións realizadas no marco do proxecto Análise das Evidencias e Impactos do Cambio Climático en Galicia (CLIGAL). O proxecto está promovido pola Dirección Xeral de Desenvolvemento Sostible da Consellería de Medio Ambiente e Desenvolvemento Sostible da Xunta de Galicia e no que participan unha ampla comunidade de investigadores pertencentes a diferentes Centros e Organismos Públicos de Investigación.
Dentro deste ámbito, o instituto incorporouse á rede
Meteoscolas para a recollida de datos meteorolóxicos de Gondomar. Por outra parte, tamén sumámonios ao
Proxecto Ríos. Para calquera información adicional sobre estes dous proxectos diríxete aos profesores e profesoras do
departamento de Bioloxía e Xeoloxía.
|
Día dos dereitos das persoas O pasado venres 30 de novembro comezou a conmemoración do Día mundial dos dereitos das persoas de 2007, con dúas
exposicións de materiais elaborados polo alumnado de 1º e 2º de ESO. Pasada a ponte, poñémonos no mesmo día dez con máis actos.
Así, ás 12:30, haberá unha charla de Amnistía Internacional para 4º de ESO. Contra o 10 de decembro, ás 13:10, Ignacio Pérez Méndez, autor do libro Xente de fusil, xente de libros e profesor do IES Terra de Turonio, charlará cos alumnos de 1º de bacharelato sobre a situación do Pobo Saharauí. O mesmo día, contra as 17:00, o Cooperante Carlos Sánchez Prado falará da situación do Pobo Palestino. Máis tarde, contra as 20:30, o mesmo Carlos Sánchez Prado disertará sobre a pobreza en Guatemala.
Do resto de actos iremos avisando puntualmente. Non obstante, podes descargar o calendario completo
premendo aquí.
|
 Cartas de amor
Cartas de amor, de Fran Alonso, é o libro proposto para a nosa sesión trimestral de club de lectura. Convidámosvos a ler este feixe de relatos que vos han de levar de viaxe a diferentes espazos xeográficos e a diferentes realidades sociais e persoais a través de mulleres valentes que se enfrontan a situacións difíciles: a pobreza, a guerra, a inmigración, o franquismo, a violencia, a prostitución, a presión social, a integración…
O día 19 de decembro, ás 18:00h, a nosa biblioteca acollerá unha sesión na que, coa presenza do autor, poderemos charlar sobre os relatos que compoñen este libro. Tamén nos podedes deixar aquí as vosas opinións e impresións.
|
|
