|
A
volta do Proxecto Laranxa
O
pasado venres 20 volveu con forza o Proxecto
Laranxa
ao instituto. É que os membros da ANPA
As Gaiandas repartiron, de balde e durante o
recreo, máis de cincocentos zumes de laranxa. Foi unha
inmellorábel ocasión para poñer a proba a máquina
espremedora comprada cos cartos do premio
á innovación educativa da Consellaría de Educación.
E
pasado o día segue a romaría xa que a máquina de
zumes continuará o seu traballo espremedor (e por
moitos anos).
|
Premio Cervantes 2006
O 23 de
abril, Día Internacional do Libro, Antonio Gamoneda
(Oviedo, 1931) recibirá o premio
Cervantes 2006 en recoñecemento á totalidade da súa
obra. Este poeta asturiano considera que
“la poesía no es exactamente literatura de ficción, sino que es
una emanación de naturaleza existencial y expresa el
sufrimiento y el gozo”.
Se queredes coñecer máis sobre este escritor, aí van
algunhas ligazóns e unha mostra da súa poesía:
|
Hablan
los manantiales en la noche,
hablan
en los imanes del silencio.
Siento
la suavidad de las palabras olvidadas.
***
Amé
todas las pérdidas.
Aún
retumba el ruiseñor en el jardín invisible.
|
|
|
Programa Maritimum
Onte,
luns 16, os alumnos e alumnas de 3º e 4º de
Diversificación curricular participaron na segunda fase
do programa
Maritimum, organizado pola Deputación
de Pontevedra e a empresa Hidria.
Ao chegar á praia
da Fontaíña, os compañeiros repartíronse en tres
grupos: Bioloxía, Xeoloxía e Física e Química.
Durante catro horas fixeron experimentos, identificaron
animais e plantas ou construíron o perfil da praia,
entre outras actividades.
Nas próximas semanas tócalles aos compañeiros de 1º
de ESO participar na segunda fase do Programa
Campestris, no Monte Aloia.
|
Concerto no IES
Rosais II
Os compañeiros e compañeiras de 2ºBacharelato-
Música ofrecen hoxe, venres 13, contra as 12:30, un
concerto no IES Os Rosais II. No programa
inclúen:
Lembra que na sección do
departamento de música están colgados arquivos MP3 das
gravacións feitas na Casa de tolos en cursos
anteriores.
|
O
Instituto de Estudos Miñoranos
Trátase
dunha moi activa asociación propia do Val Miñor que
nos seus obxectivos
persigue “Divulgar
a cultura e, en xeral, todo o referente ó patrimonio
natural, histórico, artístico, arquitectónico, etnográfico,
lingüístico, etc., dos tres concellos do Val Miñor”.
O
Instituto de
Estudos Miñoranos
(IEM) organiza encontros con persoeiros da vida
cultural, política, social e de calquera outro ámbito
de Galicia. Ademais, de exposicións, xornadas
informativas e actividades científicas como a escavación
do xacemento de
Chan do Cereixo.
O
IEM edita Revista
de Estudos Miñoranos (que, polo lido no sitio
na Rede da asociación, quedou parada no número
de 2003), os Cadernos
do IEM (que podemos ler na biblioteca do noso
instituto) e outras publicacións.
|
|
|