|
Campo da Feira s/n. Gondomar. Tfno.: 986 360 501 Fax.:
986 360 576. ies.augadalaxe.gondomar@edu.xunta.es
|
|
>ies>arquivo>2006>xuño |
|
|
|
Até
setembro
Chegou o derradeiro día de xuño
e con el... as vacacións! Marchamos coa guía de
actividades publicada no número 7 de Balbordo
e as recomendacións de libros para o verán do número
32 de Líber.
Para escoitar algo bo velaquí
quedan estes arquivos MP3 dos compañeiros de
Música, gravados na Casa dos Tolos de
Mañufe.
Parabéns a todos os compañeiros
e compañeiras que aprobaron a selectividade, que
foron moitos e moi bos.
|
|
I
am the walrus (2º de bacharelato, curso 2005-2006) |
|
|
I
will (2º de bacharelato, curso 2005-2006) |
|
|
Yo
tomo (2º de bacharelato, curso 2005-2006) |
Até a volta!
|
|
Parabéns a Diego Alborés!
Diego
Alborés, de 2º de Bacharelato B, foi o gañador do
1º premio na modalidade de relato do certame
literario D. Diego Sarmiento de Acuña que
convoca o Concello de Gondomar.
Segredos da planta 32 é o título do seu
relato, unha historia de acción trepidante
protagonizada por un empregado dunha multinacional que
descobre a contabilidade paralela da empresa e decide
aproveitarse desa información privilexiada, algo que
loxicamente non lle agrada aos seus xefes...
O premio? Un ordenador, a peza Catro lapas
laminadas do escultor Alfonso Soliño e a
publicación do relato nun volume colectivo que
recolle todos os traballos premiados e que está ao voso
dispor no Punto de Lectura... Ah! E os nosos
parabéns, Diego!
|
|
Exposición
de traballos de caligrafía
No patio interior están expostos os traballos de
caligrafía que, ao longo do curso, fixeron os alumnos e
alumnas de 3º de Diversificación
dentro do Ámbito Sociolingüístico.
Os obxectivos desta actitividade e o material
empregado están descritos neste
enderezo.
Imaxes
do taller de caligrafía
|
|
Calor
Segundo
MeteoGalicia
veñen uns días con temperaturas máximas por riba dos
trinta graos. A Consellaría
de Sanidade publicou unhas recomendacións para as
posíbeis vagas de calor do verán e para evitar os
efectos nocivos das altas temperaturas.
Pola súa parte, nestas
páxinas do SERGAS podemos atopar máis información
útil e interesante sobre as ondas de calor. A imaxe
superior, á esquerda, sinala o nivel de alerta, desde a
cor verde dunha situación normal, nivel cero, até a
situación de máxima alerta indicada pola cor vermella.
Polo momento, temos un cero: normalidade total ;-)
|
|
Programa
de gratuidade de libros
A Consellaría
de Educación anunciou a convocatoria do programa de
gratuidade de libros de texto e materiais curriculares
para o curso 2006-2007.
Toda a información (a orde da convocatoria do DOG,
respostas ás preguntas máis frecuentes, condicións
para a solicitude...) poden atopala neste
enderezo da propia consellaría.
|
|
Premio Lingualaxe para ACHEGO
O
Equipo de Normalización Lingüística Balbordo
concedeulle o Premio Lingualaxe á Asociación de
Comerciantes, Hostaleiros e Empresarios de Gondomar
(ACHEGO). O acto de entrega deste galardón vaise celebrar
mañá, venres, 2 de xuño, ás 22,30h no café
Rañolas, de Gondomar, e contará coa actuación dun
grupo musical formado por alumnado de 1º e 2º de
Bacharelato do IES Auga da Laxe, acompañados polo seu
profesor, Sergio Álvarez.
Máis
información
|
|
Paul
Auster na biblioteca
Non en persoa, mágoa, pero si a súa obra.
Do recen galardoado Premio Príncipe de Asturias
temos varios títulos da súa xa extensa obra. Agardamos
que vaia crecendo e, asemade, chegando co mesmo ritmo aos andeis da
nosa biblioteca
;-)
De Philip Roth, outro dos
autores considerados para o premio, tamén podemos ler un dos
seus últimos
libros.
Paul Auster
-
Mr.
Vertigo Ed. Sotelo Blanco
Núm. Ord. 1738
-
La
noche del oráculo
Ed. Anagrama
Núm. Ord. 8491
-
La
trilogía de Nueva York Ed. Anagrama
Núm. Ord. 6663
Philip
Roth
- La conjura contra América Ed.
Mondadori
Núm. Ord. 9050
|
|
|
|