|
Campo da Feira s/n. Gondomar. Tfno.: 986 360 501 Fax.:
986 360 576. ies.augadalaxe.gondomar@edu.xunta.es
|
|
>ies>arquivo>2006>xaneiro |
|
|
|
Aprobadas as
contas de 2005
 O
pasado martes 24, o consello escolar aprobou por
unanimidade as contas correspondentes ao ano 2005.
Previo estudo por parte da comisión económica, a
secretaria presentou as contas, explicou con detalle
cada partida e aclarou as dúbidas dos membros do
consello.
A secretaria fixo constar a súa preocupación —da
que participaron varios membros do consello—, polo
elevado prezo do gasóleo de calefacción que pode
chegar a limitar o tempo de acendido da caldeira.
Ademais, falouse da adopción de máis medidas para
o aforro enerxético.
Consello
Escolar
|
|
Iago Bea, primeiro premio na Olimpíada Galega de Matemáticas
 Iago Bea, de 2º de Bacharelato, acadou o primeiro premio na
fase final da Olimpíada
Galega de Matemáticas celebrada en Santiago de
Compostela o pasado sábado 21 de xaneiro.
Na primeira proba tamén foron
seleccionadas, entre máis de 150 alumnos e alumnas de toda
Galiza, Andrea Iglesias e Ángela Piñeiro, de 1º de
Bacharelato.
Desde o noso sitio na Arañeira queremos dárlle-los parabéns
e desexar a Iago moita sorte para a fase nacional da XLII
Olimpíada Matemática Española que terá lugar en Sevilla,
do 23 ó 26 de marzo de 2006.
Máis
imaxes
|
|
Laranxa
 Non
falamos de Ucraína,
da
película de Kubrick ou da selección
holandesa de Cruyff e Neeskens.
Tampouco do esquecido, por fortuna ;-) Naranjito.
A cousa vai do reparto de zume, un
convite do Proxecto Laranxa. A
festa foi no recreo do venres vinte de xaneiro e repartírnose
moitas ducias de vasiños cheos de rico zume de laranxa.
Temos unha galería
de imaxes do momento.
O Proxecto Laranxa ten un enderezo electrónico de seu que
é proxecto_laranxa@hotmail.com
|
|
Segundo de bacharelato en MP3
Desde o sitio do departamento
de Música hai unha novidade importante. Trátase de
dous arquivos de son en formato MP3, as gravacións
que fixeron os de 2º de bacharelato do curso
2003-2004 na Casa dos Tolos de Mañufe, alá polo
vinteseis de maio de 2004.
O primeiro arquivo é I talk
to the wind de King
Crimson (4,19 MB) e o segundo La soledad
de la Bersuit
Vergarabat (4,70 MB).
I
talk to the wind
La
soledad
|
|
 O
venres 20, zume de laranxa gratis
Os compoñentes do Proxecto
Laranxa non paran. O venres 20 de xaneiro van ofrecer zume
de laranxa gratis a todos os alumnos do centro. A idea xorde
como a continuidade das actividades levadas a cabo no
centro, o curso pasado, co gallo do Día Mundial da
Saúde.
Daquela, o departamento de Nutrición do Complexo
Hospitalario Xeral-Cíes fixera un estudo da calidade
nutricional das dietas de cincuenta e tres alumnos. Logo
mandáronlles informes persoalizados ás familias de cada un
dos alumnos participantes.
|
|
Calendario
da segunda avaliación para os cursos de Diversificación
 Xa están colgados os dous calendarios
correspondentes aos cursos de diversificación. Neles están
incluídos o reparto de traballo durante a semana, a hora
obrigatoria de lectura, as puntuacións, a listaxe de libros
para escoller...
Unha
das actividades desta avaliación é o recoñecemento e
medida do centro. Sabemos que, en ocasións, a presenza dos
equipos de medida é molesta polo que pregámosvos
desculpas.
Diversificación
curricular
|
|
Novidades
no departamento de matemáticas
O departamento de matemáticas vén de
renovar o seu sitio, actualizando os contidos mínimos e
criterios de avaliación en cada unha das súas materias,
actividades para o curso 2005-2006, lecturas recomendadas...
Departamento
de matemáticas
|
|
 Verne
no instituto
O
ano 2005 foi, tamén, o centenario de Jules Verne: o
24 de marzo de 2005 cumpríronse cen anos do seu
pasamento.
Cun
pouco de atraso chegou ao noso instituto unha
exposición itinerante de figuras dalgunhas das súas
novelas. Por certo que todas están á nosa
disposición na biblioteca, así como outras sobre o
autor francés.
|
|
 O
ataque do Proxecto Laranxa
O Proxecto Laranxa é unha iniciativa
que pretende mellorar os nosos hábitos alimentarios,
substituíndo as bebidas carbónicas por zume de laranxa.
Para comezar o ano, as súas responsábeis decoraron o
centro cunha morea de laranxas xigantescas. Sinalan o camiño
ao zume, destino: a cantina do centro.
Asemade coa aparición das laranxas
xigantes, o Proxecto Laranxa repartiu ducias de puntos de
lectura, de cor laranxa, coas principais cualidades
alimentarias do cítrico, o logotipo do proxecto e o enderezo electrónico de seu, que é proxecto_laranxa@hotmail.com.
|
|
 Volta
ao traballo
Xa
estamos todos no choio. O ano pasado ( o 2005 ;-)
rematou cunha serie de actividades das que
colgaremos algunha imaxe nos vindeiros días: xogo
das bólas, concertos e partido de fútbol
alumnos-profesores cunha derrota histórica destes
últimos (6-1).
Feliz volta para
todos!
|
|
|
