 Firefox
2.0
Xa está a disposición de todo o mundo a versión 2.0 do
navegador Firefox. Podes descargalo en español
desde este
enderezo ou premendo encol do logo de Firefox.
Supoñemos que a versión en galego non tardará en
aparecer.
|
Natureza de
TVG
 O
mércores visitounos un equipo de Pórtico Producións
para facer unha reportaxe sobre a Operación
Carballo que na que está a traballar o grupo de 4º de ESO
DC.
Os compañeiros mostraron as súas
habelencias na escolla das mellores sementes (landras e
noces de colleita propia, castañas do Carballiño traídas
por Susana Paz e sementes de camelia proporcionadas por
Fernando Rodríguez) e na preparación do viveiro. Nos
vindeiros días seguirán cunha morea de sementes de
bidueiro doadas por Margarita Miramontes.
A reportaxe vaina emitir a TVG dentro do programa Natureza.
|
|
Máis actualizacións
Os departamentos seguen actualizando os
contidos das súas seccións. As últimas novidades son:
|
Operación
Carballo
 Os
alumnos e alumnas de 4º Diversificación
curricular
comezaron cos labores do que será
un pequeno viveiro de árbores. Polo momento, xa plantaron as
sementes precisas para obter unha colección de
carballos, castiñeiros, nogueiras, loureiros e outras especies. Como macetas empregaron envases
tetrabrick procedentes dos seus fogares e reciclados para
prestaren este servizo. Desde o comezo deste curso veñen
recollendo landras, noces e castañas, seleccionando as máis
axeitadas e preparando os envases para formar o viveiro. O
traballo de sementeira seguirá durante o mes de outubro.
|
Eleccións
para o Consello Escolar
Está en
marcha o proceso para a renovación parcial dos membros do
Consello Escolar. Este é o calendario previsto:
-
Sorteo
para formar a Xunta Electoral: entre o 30 de outubro e o
un de novembro.
-
Constitución
da Xunta Electoral: entre o 2 e o 7 de novembro
-
Eleccións:
entre o 24 e o 30 de novembro
Daquela elixiremos
a 3 representantes das profesoras e profesores, 2 das
alumnas e alumnos e 2 das nais e pais.
Cómpre botarlle unha
ollada ás normas relacionadas con estas eleccións:
|
Actualizacións
Xa está actualizado o cadro
do horario de titorías para o presente curso: grupos,
becarios, Garantía Social e xunta directiva, ademais da
sección da Secretaría.
Tamén están postas ao día as correspondentes aos departamentos
de Educación Física e Filosofía (membros, materias e
proxectos didácticos).
|
Bibliotecamiña
Despois dunha colorida campaña publicitaria ao longo
desta semana, hoxe, venres 13, abrimos a biblioteca, cos servizos
habituais de préstamo e consulta, e o remodelado punto de
lectura informal da planta baixa, onde poderedes atopar a
prensa do día, revistas, banda deseñada, etc. A partir da
próxima semana botaremos a andar as primeiras actividades
da biblioteca neste curso: visitas informativas para os
grupos de 1ºESO, 1º BACH e Garantía Social e xogos de
busca para celebrar o Día Internacional das Bibliotecas
Escolares.
Iniciamos así o desenvolvemento dunha serie de
actividades de dinamización das que vos iremos informando
aquí, no noso sitio web, e mais no blog da
biblioteca.
|
 Actualización
no departamento de
Lingua e Literatura española
A sección
departamento de Lingua e Literatura española renovou
gran parte do seu contido. Así, xa está actualizado o
cadro de profesoras e profesores para o curso 2006-2007,
os contidos mínimos e criterios de avaliación para ESO
e bacharelato e as normas para os alumnos e alumnas con
materias pendentes.
 Departamento
de Lingua e Literatura española
|
 Actualizado
o departamento de Música
Xa está actualizada a información
do departamento de Música coa incorporación do
profesor Julio Lens e o reparto de cursos entre os
membros do departamento.
Por outra parte, na páxina de Música
podedes atopar todos os mp3 gravados na Casa dos
Tolos desde o curso 2003-2004 até o pasado 2005-2006.
Departamento
de Música
|
 Iago
Bea
Logo de rematar o seu bacharelato,
Iago Bea Besada segue dándonos satisfaccións a todos
os que compartimos o seu paso polo noso instituto. Nesta
ocasión é polo quinto posto obtido por Iago na Olimpíada
Iberoamericana de Física (OIbF), celebrada en
Coimbra, Portugal, do 23 ao 30 de setembro.
Iago, ao igual cos outros 58
participantes, tivo que resolver unha serie
de problemas e cuestións, prácticas e teóricas,
referentes ao programa
oficial da OIbF.
Unha vez máis, parabéns Iago!
|
|
