|
Campo da Feira s/n. Gondomar. Tfno.: 986 360 501 Fax.:
986 360 576. ies.augadalaxe.gondomar@edu.xunta.es
|
|
>ies>arquivo>2006>marzo |
|
|
|
Renovada
a sección de Diversificación
O apartado dedicado aos cursos de diversificación
curricular estivo en obras.
Logo da renovación, a sección recolle parte dos
traballos desenvolvidos nos últimos catro cursos e os que
agora están en marcha, como o taller de caligrafía ou o blog.
Diversificación
curricular
|
|
Medalla de
Bronce para Iago Bea
O
noso compañeiro Iago Bea Besada obtivo a Medalla
de Bronce no última fase da XLII Olimpiada Matemática
Española, celebrada en Sevilla do 23 ao 26 de
marzo de 2006. Iago formaba parte do Equipo Galego.
Nesta última rolda
participaron os gañadores das diferentes fases de
distrito, en total, cento vinte novos matemáticos e
matemáticas.
Neste enderezo podes ver as
fotografías do Equipo
Galego en plena acción e outra da aliñación
ao completo.
Departamento
de Matemáticas
|
|
Viaxe
a París
O departamento
de Francés xa ten todo preparado para a súa viaxe a
París. En total marchan dezaseis alumnos de 4º de ESO
acompañados polas profesoras Santas Montero Lobo e
Inmaculada Rodríguez Andrade. A saída será o sábado un
de abril e a volta o xoves seis.
Na sección do departamento están
gardados todos os documentos relacionados coa viaxe:
Ademais, na mesma sección
está colgado un documento
con receitas (tortas e doces) e outro coa información sobre o
DELF, o Diploma
de Estudos de Lingua Francesa, outorgado polo
Ministerio francés de educación.
Departamento
de Francés
|
|
Nace o Club de
lectura Auga da Laxe
O grupo de animación á lectura Líber, da biblioteca
do IES Auga da Laxe, bota a andar un club de lectura
co obxectivo de favorecer a conversa e a reflexión
compartida sobre os libros que lemos.
Unha vez ao mes faremos un convite aberto para ler un
libro e fixaremos unha data na que teremos un encontro
para falar sobre o libro e a nosa lectura. Imos comezar
por unha novela dun autor que estivo o pasado mes de
decembro na nosa biblioteca, Agustín
Fernández Paz.
O libro escollido é Noite de voraces sombras e
a data para o encontro é o 29 de marzo. Convidamos
a todas as persoas interesadas a ler esta novela e a
achegarse logo á nosa biblioteca para compartirmos as
nosas impresións sobre a lectura.
Noite de voraces sombras está na biblioteca
cós números de rexistro 7947, 7948 e 7699.
Club
de lectura Auga da Laxe
|
|
Semana da neve en
Andorra, 2006
Xa
temos parte das fotografías que fixestes na Semana Branca
en Andorra. Con elas montamos unha presentación en PowerPoint.
Son moitas imaxes e o arquivo final pesa case 40 MB. Así
que, se queres baixalo ten un pouco de paciencia.
Andorra,
2006
|
|
Máis
novas do Proxecto Laranxa
Durante
toda a semana está exposto un mural sobre a laranxa e as súas
calidades, empregos, propiedades...
Un grupo de alumnos do
instituto, dirixidos polos seus profesores, son os
autores.
O
pasado xoves nove de marzo, o mesmo grupo de traballo
desenvolveu unha actividade plantou dúas laranxeiras nos
terreos do instituto.
Por elas Proxecto Laranxa quere agradecerlle toda a súa
atención a Viveiros Sabarís.
|
|
...
e máis novidades na biblioteca
Trátase dun espazo dedicado a Sergio Pitol, Premio
Cervantes de 2005 e mais a renovación da listaxe de
libros de literatura
xuvenil en castelán relacionados coa historia.Por
último, tamén está colgado o número
31 de Líber.
Biblioteca
|
|
Novidades na biblioteca
A
biblioteca presenta unha manchea de novidades.
A máis singular é a creación dun novo
espazo sobre historia das mulleres. Responde á
necesidade de dar a coñecer no instituto as investigacións
que se están a facer nas últimas décadas para recuperar
os logros culturais das mulleres no pasado.
Ademais, hai importantes entradas en todas as seccións.
Destacamos as correspondentes a Literatura
xuvenil en galego, Literatura
xuvenil en castelán e unha relación de obras que
relacionan a literatura
e as matemáticas.
|
|
Máis novas de
ciencia no blog de 3º de Diversificación
Os
alumnos e alumnas de 3º de Diversificación curricular están
actualizando o seu blog de noticias. De momento
colgaron cinco novas sobre os encoros galegos, o monstro do
lago Ness, o exceso de ruído nos bares de Vigo, a protección
da natureza e un estudo arqueolóxico en Pompeia.
Para os vindeiros días están
preparando outras sobre a conservación dos cordóns
umbilicais, a perda do xeo antártico, a aparición dun
perigoso virus, a contaminación dos coches vellos, os novos
estudos sobre o ADN, a extensión da gripe aviar aos gatos e
unha enfermidade que fai que os membros dunha familia anden
coas mans e os pes.
Blog
de 3º de Diversificación
|
|
Acordos do Consello
Escolar
No Consello Escolar celebrado o mércores
oito de marzo aprobouse o orzamento para 2006 e as viaxes de
4º de ESO e 1º 2º de bacharelato a París, León- As
Medulas e Allariz- Ourense, respectivamente.
Ademais, aprobáronse outras actividades e tratáronse máis
asuntos de interese detallados na sección do Consello
Escolar.
Consello
Escolar
|
|
Día da muller traballadora
O
vindeiro oito de marzo, mércores, conmemoramos o Día
internacional da muller traballadora.
A elección desta data ten unha longa e
controvertida historia. Dis que a súa orixe comeza en 1856,
nun oito de marzo no que houbo unha
manifestación de mulleres, traballadoras das empresas téxtiles,
que percorreu os barrios ricos da cidade de Nova York para
protestar polas miserábeis condicións de traballo.
Se queres saber algo máis preme
aquí.
|
|
III
Concurso de Teatro Inmediato
Vichelocrego
Teatro
e mais o noso instituto organizan o III Concurso
de Teatro Inmediato. As representacións serán
o venres 24 de marzo, no
noso centro, a partir das 21:30.
Os textos
recolleranse o mércores 22 de marzo a partir das
18:00 no I.E.S. Auga da Laxe de Gondomar. Poderán
recibirse por correo electrónico á mesma hora.
O prazo
para inscribirse remata o mesmo mércores 22 de
marzo ás 14:00.
A asistencia á representación custa tres euros.
Bases
do III Concurso de Teatro Inmediato
|
|
Convocado
o Consello Escolar para o xoves oito
Está convocada unha xuntanza do Consello Escolar do
instituto para o mércores oito ás 20:00.
Nos puntos da
orde do día destacan o proxecto de orzamento para 2006, a
información da dirección sobre a entrevista co Delegado
provincial da Consellaría de Educación, o Plan de
Orientación Académica e Profesional e diferentes
actividades académicas e extraescolares.
Consello
Escolar
|
|
Actividades
do Proxecto Laranxa
Durante
esta semana vanse facer unha serie de actividades
encamiñadas á plantación de dúas laranxeiras nos
terreos do instituto. Os encargados son un grupo de
alumnos de 1º e 3º de ESO e dirixidas por
profesores do centro. O luns seis comezaron os
traballos. O primeiro, facer os buratos.
Ademais,
estase a traballar nos carteis relacionados coa
laranxeira e mailo seu froito. Os carteis estarán
expostos a partir do xoves nove de marzo. Para o
mesmo xoves, contra as 13:20 plantaranse as dúas
laranxeiras.
Proxecto
Laranxa queren a traveso, da páxina do centro,
darlle as grazas ás empresas que colaboran
desinteresadamente con eles, que son:
|
|
Iago
Bea tamén en Química e Física
Hai uns días deixabamos constancia de
que o noso compañeiro Iago Bea, de 2º de
Bacharelato, acadara o primeiro premio na fase
final da Olimpíada Galega de Matemáticas.
O caso é que Iago non quedou
satisfeito co asunto e quixo máis, obtendo o primeiro
premio na Olimpíada de Química e o segundo
na de Física.
Agora, agárdanlle as fases finais
estatais. A de Física será en Teruel, a de Matemáticas en
Sevilla e a de Química en Vigo.
3 · Parabéns Iago!
|
|
As
fotos do Antroido
Non están todas as que foron pero,
prometémolo, as que están son todas do Antroido 2006
ao seu paso polo no noso centro.
Están agrupadas nunha presentación Power
Point de Microsoft (ou de OpenOffice) e
ollo porque pesa máis de vinte megas (aversetenteras).
Antroido 2006
|
|
|