|
Campo da Feira s/n. Gondomar. Tfno.: 986 360 501 Fax.:
986 360 576. ies.augadalaxe.gondomar@edu.xunta.es
|
|
>ies>arquivo>2006>maio |
|
|
|
Novidades do
calendario escolar para o vindeiro curso
O calendario do curso 2006-2007
presenta algunhas novidades respecto aos anteriores.
Unha delas é a consideración dos días de setembro
nos que se fan os exames extraordinarios como días
lectivos. Estes serán o un, catro, cinco e seis.
As clases comezarán o día vinte de setembro e rematarán
o día 22 de xuño de 2007. O día sete de decembro
celebrarase o Día do Ensino e será festivo.
|
|
Resultados da
fase final de Ligamats
Ligamats
é unha liga entre equipos de centros que teñen
que resolver problemas, xogos e actividades
relacionadas cos talleres
da exposición da II
Segunda Semana Matemática Caixanova.
Nesta
edición participaron tres equipos do instituto de 2º,
3º e 4 º de ESO. O equipo de 3º de ESO integrado
por Marta Parada Antón, Manuel Martínez
Ageitos, Martiño Pereira e Alberto Suárez
Ferreira quedou en terceiro lugar na categoría
C, para alumnos de 3º e 4º de ESO. O equipo de 2º
de ESO, Guadalupe Gala Patiño Rosa, Ramón
Blanco González, Ramiro Iglesias Piñeyro
e Marta Álvarez Torres logrou o cuarto posto
na categoría B, para alumnos de 1º e 2. de
ESO.
Parabéns
a todos e a todas!
Departamento
de Matemáticas
|
|
Día
Mundial da Biodiversidade
Hoxe
vintedous de maio é o Día Mundial da Biodiversidade,
a riqueza biolóxica do planeta, que levamos xa un tempo
estragando a un ritmo de tres especies por hora.
Para coñecer
máis sobre os problemas ambientais e sobre a
Diversidade biolóxica propoñemos a lectura de dous
libros da nosa biblioteca:
-
La Tierra herida de Miguel Delibes e Miguel
Delibes de Castro, Ed. Destino, número 8810
-
La naturaleza en peligro de Miguel Delibes de
Castro, Ed. Temas de Hoy, número 8345. Ed. Destino, números
8872, 8873, 9160, 9161 e 9162.
Tamén, na sección do Departamento
de Bioloxía e Xeoloxía colgamos unha escolma
de documentos relacionados (Protocolo de Kioto,
Protocolo de Montreal...).
|
|
Dezasete
de maio
Unhas cantas boas noticias arredor
do Día das Letras de 2006. A primeira é a publicación
de Praza
da Letras da Consellaría de Cultura para a
promoción do libro e a lectura.
A segunda é que, ademais dos
xornais electrónicos de información xeral que se
publican en galego, La Voz de Galicia vén de
anunciar que a súa edición dixital estará dispoñíbel
desde hoxe na nosa lingua. Este
é o enderezo.
Seguindo cos medios de comunicación,
desde hai uns meses Vieiros
(que por certo celebra o seu décimo aniversario) ofrece
a posibilidade de ler un feixe de xornais en galego. Trátase
dunha tradución automática das edicións orixinais en
español. Parabéns ao decano dos medios de comunicación
electrónicos en galego.
Tamén as nosas felicitacións a Galicia
Hoxe, herdeiro d’O Correo Galego, e o
único xornal publicado integramente en galego. Hoxe, 17
de maio, cumpren tres anos.
Por último, como o 17 de maio é tamén o Día de
Internet é obrigatorio felicitarmos pola marcha do
noso sito na Rede. Cando remate esta semana o número
de entradas por esta, a porta principal, chegará ás
15.000. Nos dezaoito meses, o ano e medio que levamos na
Arañeira, as consultas ás nosas páxinas superaron con
moito as 150.000.
|
|
Club
de lectura: Erros e tánatos, de Gonzalo Navaza
Imos aproveitar o novo espazo Bibliolaxe
para convidarvos a participar na segunda sesión do noso
club de lectura o 24 de maio, ás 20,00h na biblioteca
do instituto. Igual que fixemos xa a finais de marzo con
Noite
de voraces sombras, de Agustín Fernández Paz,
ímonos xuntar de novo para falar de Erros e tánatos,
un volume de relatos de Gonzalo
Navaza publicado no ano 1996.
Tamén desta vez imos ter a
oportunidade de contar coa presenza do autor. Anímate a
celebrar esta Semana das Letras Galegas lendo Erros
e tánatos e achégate o día 24 á nosa biblioteca
para compartirmos conversa.
Se xa o liches, convidámoste a
que vaias deixando en Bibliolaxe
os teus comentarios sobre o
libro.
|
|
Nace
Bibliolaxe
Desde a biblioteca do instituto queremos celebrar a
Semana das Letras Galegas poñendo ao voso dispor un
novo espazo para compartirmos as nosas lecturas: o blog
Bibliolaxe.
Queremos que sexa un lugar de encontro para dar conta
das novidades que entran na biblioteca, para recomendar
libros, para comentar, para opinar, suxerir, preguntar
ou informar sobre todo o que teña que ver co mundo do
libro e a lectura.
|
|
Letras
Galegas 2006
Neste
ano 2006 dedícaselle o Día
das Letras Galegas a Manuel Lugrís Freire, un
dos intelectuais máis comprometidos coa recuperación
da nosa lingua e da nosa identidade a finais do século
XIX e nas primeiras décadas do XX. Foi, entre
outras cousas, presidente da Real Academia Galega,
entidade que neste ano 2006 cumpre cen anos de vida.
Na sección da biblioteca
podes atopar unha listaxe
completa de todos os autores aos que se lle
dedicou o Día das Letras Galegas así como unha
relación de obras súas ou sobre eles que temos ao
voso dispor na biblioteca do instituto.
|
|
Vídeo
da viaxe a París
Cunha escolma das fotografías
tiradas na viaxe a París fixemos un pequeno vídeo
en formato wmv que se pode reproducir co Reprodutor
de Windows Media.
O vídeo non ten son, dura
5’12” e pesa 12,5 MB.
Viaxe
a París
|
|
Claustro para
o xoves catro de maio
Está convocada unha xuntanza
do claustro para o vindeiro xoves catro de maio, ás
17:00.
Entre os puntos da orde do día destacan os acordos
a tomar sobre cuestións organizativas para o curso
2006-2007, a organización de actividades
extraescolares e a proposta da calendario de fin de
curso.
|
|
|
|