|
Campo da Feira s/n. Gondomar. Tfno.: 986 360 501 Fax.:
986 360 576. ies.augadalaxe.gondomar@edu.xunta.es
|
|
>ies>arquivo>2006>abril |
|
|
|
Primeiro
simulacro de evacuación
Seguindo o Plan de autoprotección
do centro, o xoves 27 de abril fixemos o primeiro
simulacro de evacuación. A saída estivo moi ben organizada
pero fomos bastante lentos: tardamos en saír tres
minutos e trinta segundos.
Temos colgado un vídeo no que
seguimos a evacuación de 3º de Diversificación
—dirixida por Juan Figueiras— e a súa volta á
aula.
Simulacro
de evacuación
|
|
|
Volve o cine ao
instituto
 Será
este venres, 28 de abril, contra as 17
horas, ás cinco da tarde.
O filme: Catro vodas e un
funeral, dirixida en 1993 por Mike Newell e con
Hugh Grant, Andie Macdowell e Kristin Scott Thomas
nos principais papeis, iso co permiso de Rowan Atkinson
(Mr. Bean).
Catro vodas e un funeral estivo nominada aos
Óscar en dúas categorías: mellor película e mellor
guión orixinal.
|
|
Plan de autoprotección
 Na
sección de documentos
xa está gardado o Plan de autoprotección do instituto,
un traballo de moitos meses feito por Cristina Abalde e
José Ramón Miguélez, co apoio de José Antonio Martínez
Cartelle e mais a colaboración de alumnos e profesores.
O Plan
de autoprotección é o documento no que se analiza
e estuda a organización de todos os medios e persoas do
centro para previr riscos. Serve, tamén, para afrontar unha
evacuación no caso de presentarse unha situación de
emerxencia.
Plan
de autoprotección
|
|
Día do Libro
Este ano o Día do Libro, o
día 23 de abril, cae en domingo. Así a todo non
imos deixar pasar a data e propoñemos algúns enderezos
de interese.
O primeiro está no noso sitio da
biblioteca e está dedicado a todos os Premio
Cervantes outorgados desde a súa creación en
1976. Tamén recomendamos este
enderezo do xornal El País, versión electrónica.
Desde esa páxina podemos mandarlle a nosas preguntas a
Sergio Pitol, Premio Cervantes de 2005.
Na canle de televisión CNN+
está dispoñíbel o vídeo
no que Sergio Pitol recibe o Cervantes.
Por último, no sitio
da Escuela de Escritores publicaron a listaxe
das palabras máis votadas como a
palabra máis bonita do castelán.
|
|
Imaxes das
Xornadas Interculturais
Remataron as vacacións de
primavera e volvemos ao choio. Para sembrar as
actividades da última semana antes do prezado tempo
de folganza colgamos no noso sitio cinco clips de vídeo
con todas (todiñas) as imaxes tiradas por tres cámaras.
Como din as estatísticas que o
programa máis empregado para ver arquivos de vídeo
é o Reprodutor de Windows Media, os clips
fixéronse co formato wmv. Contribuímos,
logo, ao peche do círculo: facémolo así porque é
o que máis se ve; vémolo así porque é o que máis
se fai.
Velaí vai a relación de vídeos:
|
|
 Iago
Bea, oitavo posto na fase final da Olimpíada de Física
Iago Bea Besada alcanzou o oitavo
posto na fase final da XVII Olimpíada de Física
celebrada en Teruel entre o 30 de marzo e o 2 de abril.
Iago participou con outros 128 novos físicos e físicas.
Segundo as normas das probas, por mor do seu posto, Iago
participará en setembro, en Coimbra, na XI Olimpíada
Iberoamericana.
|
|
I
Xornadas Interculturais
 Do
3 ao 7 de abril celebraremos as I Xornadas
Interculturais cunha ampla programación que inclúe
talleres didácticos sobre danzas, música, xogos,
linguas, xeografía, etc. de distintas partes do mundo, así
como proxeccións de películas nas que se trata o tema da
interculturalidade e mesas redondas nas que participarán
alumnos e pais e nais que viviron directamente
experiencias relacionadas coa emigración.
O foco especial de interese nestas xornadas vai a República
Oriental do Uruguai, por ser este o país de orixe
dunha importante cantidade de alumnos do noso Centro:
haberá unha exposición interdisciplinar sobre Uruguai
(libros DVDs, murais, moedas, etc.) e unha demostración
de baile folclórico deste país, actividades para as que
se conta coa colaboración da asociación Uruguayos
para el mundo.
I Xornadas Interculturais
Ligazóns
relacionadas co Uruguai
|
|
|