|
Campo da Feira s/n. Gondomar. Tfno.: 986 360 501 Fax.:
986 360 576. ies.augadalaxe.gondomar@edu.xunta.es
|
|
>ies>arquivo>2005>maio |
|
|
|
 As
imaxes da Alfombra
Xa xuntamos as imaxes da
confección da alfombra do instituto para as festas do
Corpus de Gondomar. Con elas fixemos unha presentación
co PowerPoint de Microsoft.
|
|
Os concertos do departamento de Música
Mentres que
o concerto dos de segundo de bacharelato previsto no IES Primeiro de Marzo de Baiona está cancelado, damos
conta do celebrado no Colexio de Peitieiros polo
alumnos de 4ºB de ESO e de primeiro de bacharelato o
pasado día 13 de maio.
Tamén avisamos
da nova data para o concerto de primeiro de
bacharelato no Café Rañolas (xoves, nove de xuño
contra as 22:30) e doutro dos de segundo de
bacharelato IES
A Sangriña d’A Garda (luns, vinte de xuño).
Departamento de Música
|
|
 Avisos
da secretaría
Desde a secretaría dan noticia de dúas
novidades: a listaxe
definitiva das axudas do Fondo social e a
publicación do calendario para o curso 2005-2006.
Secretaría
|
|
Un río de palabras polas rúas e prazas de Gondomar
 O
venres 20 de maio, os alumnos e alumnas de 4º de ESO
do IES Auga da Laxe puxeron en marcha polas rúas e
prazas de Gondomar unha campaña de animación á
lectura baixo o lema “Un río de palabras”.
A
campaña utilizará como soportes uns carteis que
imitan os anuncios de rúa que ofrecen algún produto
ou servizo e dan a posibilidade de recortar unha tiriña
de papel co teléfono de contacto.
Os
carteis da campaña ofrecen como reclamo fragmentos de
libros escollidos polos propios alumnos e alumnas e
inclúen nas tiras de papel o título e o autor do
libro para que a xente poida cortar e levar a cita dos
libros que lles resulten atractivos. Con esta
iniciativa queren, na Semana das Letras Galegas,
convidar a cidadanía a ler e compartir con eles os
libros que lles gustan.
Máis de
Un río de palabras
|
|
Día das Letras, 2005
 Este
ano dedícaselle o Día das Letras Galegas a Lorenzo
Varela, un autor que padeceu coa súa familia o drama
da emigración e, anos máis tarde, sufriu en carne
propia a traxedia da guerra civil e do exilio. A súa
obra en galego é cuantitativamente reducida e case
descoñecida para o público: Catro poemas para
catro gravados (1944), Lonxe (1954) e un
feixe de poemas soltos.
Estes días todos os alumnos e alumnas do IES Auga da
Laxe ides achegarvos á figura de Lorenzo Varela a
través dun xogo de preguntas feito a partir dunha
exposición de carteis que está instalada no patio
central do instituto. Con todo, se queredes saber algo
máis sobre Lorenzo Varela, sobre as orixes da
celebración do Día das Letras Galegas ou sobre as
obras dos autores homenaxeados que temos na nosa
biblioteca, este é o voso sitio.
|
|
Novidades no departamento de Bioloxía e Xeoloxía
No espazo do departamento de
Bioloxía e Xeoloxía hai varias novidades.
Trátase dos contidos mínimos e criterios de
avaliación de 1º e 2º de ESO, unha presentación de
PowerPoint coas fotografías da visita ao Zoo da Madroa.
Ademais están colgados dous traballos dos alumnos
e alumnas de 1º de ESO sobre o desenvolvemento de
balor no pan e en diferentes alimentos.
|
|
 Dous
pases de diapositivas
Temos colgadas dúas novas presentacións de
fotografías.
Unha é dos traballos e profesores dos alumnos do Programa de Garantía Social de Operario de madeira maciza de Operario de
madeira maciza.
A outra dos murais de alumnos de ESO sobre a Ruta de Don Quijote, un certame celebrado no
instituto co gallo do IV Centenario.
Programa de Garantía Social de Operario de madeira maciza
Quixote, 2005
|
|
 Actividade
de Vichelocrego Teatro
Vichelocrego
Teatro
comeza un mes de maio con moito movemento.
Así, o domingo 1 de maio, ás 12:00 da mañá,
actuará no Centro Cultural de Chaín, Gondomar, coa
obra Romance
de Micomicón e Adhelala de Eduardo Blanco Amor.
Vichelocrego
Teatro
|
|
Premios Cervantes na biblioteca
 Na
sección
da biblioteca
hai unha nova relación coas obras dos premiados co Miguel de Cervantes.
Máis de setenta obras a disposición de todos,
desde Jorge Guillén, primeiro Cervantes en
1976, até Rafael Sánchez Ferlosio, o premiado de
2004.
|