|
Campo da Feira s/n. Gondomar. Tfno.: 986 360 501 Fax.:
986 360 576. ies.augadalaxe.gondomar@edu.xunta.es
|
|
>ies>arquivo>2005>decembro |
|
|
|
 Resumo
das
actividades
do
decembro
pasado
Velaí
van unhas cantas galerías de imaxes dalgunhas das actividades
do pasado decembro.
Trátase da
entrega do premio
Lingualaxe,
da visita de Agustín Fernández Paz e
a súa charla na
biblioteca do instituto, as probas de atletismo feitas nas
pistas de Balaídos e as actividades do día 22
(Maratón das bólas, os
concertos e mais a malleira ao equipo dos profesores).
|
|
 Un
Nadal de libros...
Comezan as vacacións de Nadal e con elas han vir
seguramente algúns agasallos. Non esquezades incuír
libros: é un bo momento para compartir cos demais esas
lecturas que vos gustan e queredes recomendar.
Desde a biblioteca propoñémosvos algúns libros para
este Nadal. Que pasedes unhas felices, e lectoras,
vacacións!
A nosa proposta de
libros para este Nadal de 2005
|
|
Consello
Escolar
O luns 19 de decembro celebrouse a
derradeira xuntanza de 2005 do Consello Escolar.
Tratáronse diversos asuntos desde a
aprobación do Plan de protección até o seguimento das
actividades extraescolares ou da Comisión de convivencia.
Un resumo do tratado está na sección do Consello
Escolar.
|
|
 Visita
de Agustín Fernández Paz
O martes 20 de decembro, ás 20:00,
tivo lugar na biblioteca
do noso centro unha conferencia do escritor
Agustín Fernández Paz, que falou sobre a influencia da
lectura na formación dos rapaces e a importancia das
familias no apoio á creación de hábitos lectores.
Esta charla-coloquio foi
especialmente dirixida ás nais e pais do alumnado do
instituto, aínda que estivo aberta a todas as persoas que
desexaron asistir.
Máis información
|
|
 Visita
de Ana Iglesias
Ana Iglesias, filóloga especialista en sociolingüística
e sicolingüística, visitou o noso instituto (19.12.05)
para impartir unha conferencia sobre a situación da
lingua galega hoxe en Galicia destinada ao alumnado de 2º
de bacharelato.
Ana
Iglesias Álvarez é licenciada en Filoloxía Hispánica
e Filoloxía Galego-Portuguesa e, desde o inicio da súa
actividade investigadora, centrouse no ámbito da socioloxía
da linguaxe, en concreto na análise das actitudes e
ideoloxías lingüísticas en situación de linguas en
contacto. No ano 2002 publicou Falar galego: "no
veo por que?", un estudo sobre o uso do galego e
do castelán en Galicia feito desde a perspectiva dos
propios falantes.
|
|
 Novas no Proxecto
Laranxa
O
Proxecto Laranxa presenta dúas importantes novidades: a estrea do seu logo e
mais a do seu novo
enderezo electrónico, proxecto_laranxa@hotmail.com.
Lembremos que o obxectivo desta iniciativa é mellorar os
nosos hábitos alimentarios, substituíndo as
bebidas carbónicas por zume de laranxa.
|
|
Día da Declaración
Universal dos Dereitos das Persoas
 Hoxe,
dez de decembro, conmemoramos os Día da Declaración
Universal dos Dereitos das Persoas.
No instituto levamos uns días de
celebración con diferentes actos: exposicións, lectura dos
artigos da Declaración e charlas de persoas moi implicadas
na defensa dos nosos dereitos, entre elas a de Fernando Martínez
Randulfe, presidente de EsCULcA,
o observatorio para a defensa dos dereitos e liberdades.
Declaración
Universal dos Dereitos das Persoas
Galería
de imaxes
|
|
O Pazo
da Escola recibe o premio Lingualaxe
 O Equipo de Normalización
Lingüística Balbordo, do IES Auga da Laxe, acordou
concederlle o premio Lingualaxe ao Pazo da Escola,
establecemento de turismo rural situado en Mañufe, polo uso
que fai do galego nas súas actividades.
O acto de entrega deste
galardón terá lugar o próximo venres, 9 de decembro,
ás 22:30, no Café Rañolas, e contará, ademais, coa
actuación do grupo de música dos alumnos e alumnas de 2º
de bacharelato deste instituto, dirixidos polo profesor
Sergio Álvarez.
|