O día 22 de Nadal déronse as vacacións e para celebralo despedímonos ata o ano 2006 cunha chea de actividades. Así, xogouse o tradicional partido profes-alumnos de futbito con victoria por goleada destes últimos (6-1). Celebrouse tamén a segunda edición do Maratón das Bólas na que oito equipos estiveron ao longo de hora e media tentando apañar bólas que estaban agochadas nos recunchos máis insospeitados do instituto. Finalmente, catro alumnos de bacharelato levaron o primeiro premio. No Torneo de Tenis de Mesa a victoria foi para Héctor Costas que se impuso na final a Alexandra Domínguez. Como fin de festa, tivemos a oportunidade de poder presenciar un dos directos máis enerxéticos e estimulantes do panorama musical do Val Miñor: Punk de Millo en concerto. Este grupo que comezou a súa andaina hai menos dun ano estase facendo un oco e non perdamos a súa pista pois están chamados a maiores empresas. Ademais, para aqueles que preferiron unha actividade máis tranquila houbo cine no Salón de actos. En fin, máis nada. Feliz ano!